بۇگىن قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ ارمەنيا رەسپۋبليكاسىنىڭ پرەمەر-مينيسترى كارەن كاراپەتيانمەن كەزدەسۋ وتكىزدى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا ساۋدا-ەكونوميكالىق قاتىناستار، اتاپ ايتقاندا ىنتىماقتاستىقتىڭ جاڭا فورمالارىن ودان ءارى دامىتۋ پەرسپەكتيۆالارى تالقىلاندى، ونىڭ ىشىندە كورسەتىلەتىن قىزمەتتەر مەن جاڭا تەحنولوگيالار ساۋدا-ساتتىعى بار. وسى ورايدا، ساۋدا-ەكونوميكالىق ىنتىماقتاستىق جونىندەگى قازاقستاندىق-ارمياندىق ۇكىمەتارالىق كوميسسيانىڭ ناتيجەلى جۇمىسى اتاپ ءوتىلدى.
سونداي-اق، ترانزيتتىك-لوگيستيكالىق الەۋەتتى دامىتۋ، حالىقارالىق ۇيىمدار اياسىنداعى جانە ەۋرازيالىق ەكونوميكالىق وداقتاعى ينتەگراسيالىق ۇدەرىستەردى نىعايتۋداعى ءوزارا ارەكەتتەستىك ماسەلەلەرى تالقىلاندى.
بۇدان وزگە، تاراپتار استانادا ەكسپو-2017 كورمەسىن جانە 16 تامىزعا جوسپارلانعان ارمەنيانىڭ ۇلتتىق كۇنىن وتكىزۋ بارىسىن تالقىلادى.
