ەكونوميكالىق سەكتور

قىسقا مەرزىمدى ەكونوميكالىق ينديكاتور 2017 جىلعى قاڭتار-شىلدەدە 2016 جىلعى قاڭتار-شىلدەگە قاراعاندا 105،5% قۇردى دەپ حابارلايدى Qamshy.kz اقپارات اگەنتتىگى.

قىسقا مەرزىمدى ەكونوميكالىق ينديكاتوردى ەسەپتەۋ جەدەلدىلىكتى قامتاماسىز ەتۋ ماقساتىندا جۇزەگە اسىرىلادى جانە ءجىو-ڭ 60%-نان اسا قۇرايتىن اۋىل شارۋاشىلىعى، ونەركاسىپ، قۇرىلىس، ساۋدا، كولىك جانە بايلانىس سياقتى نەگىزگى سالالار بويىنشا شىعارىلىم يندەكستەرىنىڭ وزگەرۋىنە نەگىزدەلەدى.

2017 جىلعى قاڭتار-شىلدەدە نەگىزگى كاپيتالعا سالىنعان ينۆەستيسيالار كولەمى 4049،9 ملرد. تەڭگەنى قۇردى، بۇل 2016 جىلعى قاڭتار-شىلدەگە قاراعاندا 3،2% ارتىق.

2017 جىلعى قاڭتار-شىلدەدە ونەركاسىپ ءوندىرىسىنىڭ كولەمى قولدانىستاعى باعالاردا 12344،3 ملرد. تەڭگەنى قۇردى، بۇل 2016 جىلعى قاڭتار-شىلدەگە قاراعاندا 7،7% ءوستى. كەن ءوندىرۋ ونەركاسىبىندە جانە كارەرلەردى قازۋدا ءوندىرىس كولەمى 9،5%، وڭدەۋ ونەركاسىبىندە 6،3%، ەلەكترمەن جابدىقتاۋ، گاز، بۋ بەرۋ جانە اۋا باپتاۋدا 5،1% ارتتى. سۋمەن جابدىقتاۋدا، كارىز جۇيەسى، قالدىقتاردى جيناۋ جانە ءبولۋدى باقىلاۋدا ءوندىرىس كولەمى 0،4% تومەندەدى.

2017 جىلعى قاڭتار-شىلدەدە اۋىل شارۋاشىلىعى جالپى ءونىمىنىڭ كولەمى 1180،2 ملرد. تەڭگەنى قۇراپ، 2016 جىلعى قاڭتار-شىلدەگە قاراعاندا 2،7% ارتتى.

2017 جىلعى قاڭتار-شىلدەدەگى «كولىك» سالاسى بويىنشا ناقتى كولەم يندەكسى 104،4%-دى قۇردى.

2017 جىلعى قاڭتار-شىلدەدە جۇك اينالىمىنىڭ كولەمى 305 ملرد. تكم (كوممەرسيالىق جۇك تاسىمالداۋمەن اينالىساتىن جەكە كاسىپكەرلەردىڭ جۇك اينالىمى كولەمىنىڭ باعالاۋى ەسەبىمەن) قۇراپ، 2016 جىلعى قاڭتار-شىلدەمەن سالىستىرعاندا 7،6% ارتتى. جولاۋشىلار اينالىمىنىڭ كولەمى 151،8 ملرد. جكم قۇراپ، 3،3% ارتتى.

2017 جىلعى قاڭتار-شىلدەدەگى «بايلانىس» سالاسى بويىنشا ناقتى كولەم يندەكسى 102،7%-دى قۇردى.

2017 جىلعى قاڭتار-شىلدەدەگى «ساۋدا» سالاسى بويىنشا ناقتى كولەم يندەكسى 102،9%-دى قۇردى.

2017 جىلعى قاڭتار-شىلدەدە بولشەك ساۋدا كولەمى 4674،2 ملرد. تەڭگەنى نەمەسە 2016 جىلدىڭ ءتيىستى كەزەڭ دەڭگەيىمەن سالىستىرعاندا 106،4% قۇرادى (سالىستىرمالى باعادا).

2017 جىلعى قاڭتار-شىلدەدە كوتەرمە ساۋدا كولەمى 9985،1 ملرد. تەڭگەنى نەمەسە 2016 جىلدىڭ ءتيىستى كەزەڭ دەڭگەيىمەن سالىستىرعاندا 101،2% قۇرادى (سالىستىرمالى باعادا).

2017 جىلعى قاڭتار-ماۋسىمدا سىرتقى ساۋدا اينالىمى 36719،7 ملن. اقش دوللارىن قۇراپ، 2016 جىلعى قاڭتار-ماۋسىممەن سالىستىرعاندا 30،5% ارتتى، سونىڭ ىشىندە ەكسپورت – 23167 ملن. اقش دوللارىن (38،3% كوپ)، يمپورت – 13552،7 ملن. اقش دوللارىن قۇرادى (19% كوپ).

2017 جىلعى 1 تامىزداعى جاعداي بويىنشا تىركەلگەن زاڭدى تۇلعالاردىڭ سانى 400216 بىرلىكتى قۇراپ، وتكەن جىلعى سايكەس كەزەڭمەن سالىستىرعاندا 7% ارتتى، ونىڭ ىشىندە 100 ادامنان كەم قىزمەتكەرلەرى بار – 391358 بىرلىك. جۇمىس ىستەپ تۇرعان زاڭدى تۇلعالاردىڭ سانى 248490 قۇرادى، ونىڭ ىشىندە 240120 بىرلىك شاعىن كاسىپورىندار (100 ادامنان كەم).

تۇتىنۋ باعاسىنىڭ يندەكسى 2017 جىلعى شىلدەدە 2016 جىلعى جەلتوقسانمەن سالىستىرعاندا 103،8% قۇرادى. ازىق-تۇلىك تاۋارلارعا باعالار – 4،6%، ازىق-تۇلىك ەمەس تاۋارلارعا – 3،5%، حالىققا ارنالعان اقىلى كورسەتىلەتىن قىزمەتتەرگە – 3،3% ءوستى. ونەركاسىپ ونىمدەرىنە ءوندىرۋشى كاسىپورىندار باعاسى 2017 جىلعى شىلدەدە 2016 جىلعى جەلتوقسانمەن سالىستىرعاندا – 3،5% جوعارىلادى.

الەۋمەتتىك سەكتور

2017 جىلعى ماۋسىمدا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 75890 تەڭگەنى قۇرادى، بۇل 2016 جىلعى ماۋسىمعا قاراعاندا 1،7% جوعارى، ال ناقتى اقشالاي تابىس كورسەتىلگەن كەزەڭدە 5،4% تومەندەدى.

2017 جىلعى شىلدەدە ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 149032 تەڭگەنى قۇرادى.

2017 جىلعى شىلدەدە جۇمىسسىزدار سانى باعالاۋ بويىنشا 437 مىڭ ادامدى قۇرادى. جۇمىسسىزدىق دەڭگەيى جۇمىس كۇشى سانىنا 4،9% قۇرادى. جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 2017 جىلعى شىلدەنىڭ سوڭىنا 96،4 مىڭ ادامدى قۇرادى نەمەسە جۇمىس كۇشىنە 1،1%.