رەسەيلىك باق-تىڭ حابارلاۋىنشا، ۇلكەن اجەي رامزان قادىروۆتان سيرياداعى قىزى مەن نەمەرەلەرىن قايتارۋىن سۇرادى.

كۇيەۋلەرىمەن قوسا، دايش تەرروريستىك ۇيىمىنا قوسىلىپ كەتكەن ايەلدەردىڭ انالارى شەشەنستان پرەزيدەنتى قادىروۆتان كومەك سۇرادى دەپ جازادى Qamshy.kz اقپارات اگەنتتىگى.

گروزنىي قالاسىنىڭ كوشەلەرىندە اكسياعا شىققان شەشەندەردىڭ اراسىندا قازاكستاندىق تۇرعىن روزا انايەۆا دا بار بولىپ شىقتى. روزانىڭ ايتۋىنشا، قىزى يمان مۋزايەۆا كۇيەۋى جانە ءۇش بالاسىمەن 2014 جىلى سيرياعا اتتانعان.

كۇيەۋى قايتىس بولدى، ال يماندى بالالارىمەن سيريادا ۇستاپ وتىرعان كورىنەدى.

اكسياعا قاتىسۋشى ايەلدەردىڭ وقيعالارى وسىعان ۇقساس. ولاردىڭ ايتۋىنشا، اسكەرلەر ايەلدەردى جىبەرۋگە دايىن، الايدا بالالارىن قالدىرۋعا ءتيىس ەكەندەرىن ايتقان.

ايتا كەتەيىك، وسىدان بىرنەشە جىل بۇرىن قادىروۆتىڭ ارالاسۋىمەن يراكقا الىپ كەتكەن 4 جاسار ءبىلال تاگيلوۆ ەلگە قايتارىلعان.