پوليسەيلەر اۋداندىق سۋديانىڭ ۇيىنەن 20 ميلليون تەڭگەنى قۇرايتىن زاتتاردى ۇرلاعان الماتى وبلىسى تۇرعىنىن ۇستادى دەپ حابارلايدى Qamshy.kz اقپارات اگەنتتىگى الماتى وبلىستىق ءىىد باسپا ءسوز قىزمەتىنە سىلتەمە جاساپ.

3 شىلدە دە قاراتال اۋداندىق پوليسيا بولىمشەسىنە سارىبۇلاق اۋىلىندا ورنالاسقان ۇيدە اقشا مەن اشەكەيلەر ۇرلانعانى تۋرالى شاعىم ءتۇستى. بەلگىلى بولعانداي، شىعىن 19 343 000 تەڭگەنى قۇرادى.

پوليسەيلەر ۇرلىق بولعان جەردى تەكسەرۋ بارىسىندا ۇرىنىڭ تەرەزە ارقىلى كىرىپ، سەيفتى بۇزعانى انىقتالدى. وندا اقشا مەن اشەكەي بۇيىمدار بولعان.

قاراتال اۋداندىق پوليسيا قىزمەتكەرلەرى ءىىد بىرلەسىپ ۇرلىق جاسادى دەگەن كۇدىكپەن 30 جاستاعى كورشى اۋداننىڭ تۇرعىنىن ۇستادى.

«كۇدىكتى تەكەلىدەگى جالدامالى پاتەردە ۇستالدى. ول ءوز كىناسىن مويىندادى. تەرگەۋ كەزىندە ۇرلانعان اشەكەيلەر الماتى قالاسىندا ەكەنىن ايتتى»، –  دەدى ىىد-دە.

ق ر قك 188-بابى بويىنشا قىلمىستىق ءىس قوزعالدى. كۇدىكتى قاماۋعا الىندى.