قالىڭ جۇرتشىلىققا «نايمان» دەگەن لاقاپ اتپەن تانىمال، ارالاس جەكپە-جەك ونەرىنىڭ مايتالمانى قۋات حاميتوۆ فۋتبولعا تىيىم سالۋ كەرەكتىگى تۋرالى  ايتتى دەپ حابارلايدى Qamshy.kz اقپارات اگەنتتىگى. بۇل تۋرالى قۋات حاميتوۆ Instagram الەۋمەتتىك جەلىسىندە جازعان بولاتىن.

«مەن ءاردايىم قازاقستانداعى فۋتبولعا تىيىم سالۋ كەرەكتىگىن ايتىپ كەلەمىن! بۇعان كەتىپ جاتقان قاراجات ...، ودان دا پالۋاندارعا، بوكسشىلارعا بەرىڭىزدەر، ولاردىڭ جۇرەگىندە ار-نامىس پەن ماقتانىش بار! ولار ەلى ءۇشىن  قان توگىپ ءجۇرىپ، ءوز قاراجاتىن شىعارىپ، تۋدى كوتەرەدى. 90 مينۋت  اقىماقتارعا ۇقساپ جۇگىرىپ، ميلليونداعان اقشا الادى! بۇل قاراجاتقا اۋىلداردا سپورت كەشەندەرىن سالسا، ناعىز چەمپيوندار شىعار ەدى! ال بۇلار ءوز الاڭىندا، امەريكالىق فۋتبول سياقتى ءوز ەلىندە ويناپ جۇرە بەرسىن. قازاقتار سوعىسقان، دوپتىڭ ارتىنان جۇگىرمەگەن! اشىعىپ ءولىپ جاتقان افريكانىڭ ءوزى ءبىزدىڭ فۋتبولشىلارىمىزدىڭ جاساپ جاتقانىنان دا جاقسى ونەر كورسەتەدى! سپورتشى توق بولسا، ءومىرى جايلى بولسا، ودان ناتيجە شىقپايدى! چەمپيون بولۋ ءۇشىن كەدەي سياقتى ءومىر ءسۇرىپ، جەتىستىككە ەرىك-جىگەرىڭ كوپ بولۋى ءتيىس! سول كەزدە عانا ناتيجە شىعادى! شەشىم جاساڭىزدار!»، - دەدى قۋات.