"جاقىندا عانا الەمدەگى ەڭ بەدەلدى، جوعارى دەڭگەيدەگى ۆوكالدىق كونكۋرس ەلىمىزدە تۇڭعىش رەت وتكىزىلدى. وپەرا ونەرىن ءسۇيىپ تىڭدايتىن تىڭدارماندار ءۇشىن بۇل ەرەكشە وقيعاعا اينالدى. مۇنداي اۋقىمدى، الەم مويىنداعان ونەر سايىسى مەن ۇشىندە ارىپتەستەرىم ۇشىندە وزىندىك تاجىريبە بولدى"، - دەيدى قازاقستاننىڭ ەڭبەك سىڭىرگەن قايراتكەرى سۇندەت بايعوجين.

وپەرا مايتالمانى "پلاسيدو دومينگونى بەتپە بەت كورىپ، ونىمەن سۇحباتتاسىپ، ءبىر ساحنادا قاتار تۇرۋدىڭ ءوزى ءبىز ءۇشىن ۇلكەن ابىروي، جەتىستىك. مۇنداي كونكۋرس قازاق مادەنيەتىنىڭ، قازاق ونەرىنىڭ، وپەرا سالاسىنىڭ بەدەلىن كوتەرىپ تاستادى.  وسى تۇستا اتالمىش شارانىڭ ۇيىمداستىرۋشىسى جانە ۇيىتقىسى بولىپ وتىرعان ق ر مادەنيەت مينيسترلىگىنىڭ ەڭبەگىن اتاپ وتكەن ءجون. الەمنىڭ تۇكپىر تۇكپىرىنەن جينالعان وپەرا انشىلەرى قازاقستانعا كەلىپ، استانانىڭ كەلبەتىنە تاڭقالىپ كەتتى. سونىمەن قاتار، ايتۋلى ءىس-شاراعا ءبىزدىڭ تاراپتان ەشقانداي شىعىن شىقپاعان، بارلىق قارجى تۇرعىسىنان قامتاماسىز ەتۋدى "وپەراليانىڭ" دەمەۋشىسى Rolex شۆەيسارلىق ساعات كومپانياسى موينىنا العان. بۇلدا وپەرا ونەرىنە دەگەن جانىشىرلىق دەپ بىلەمىن.

Euronews تەلەارناسى ءبىزدىڭ "وپەراليا" تۋرالى ترانسلياسيا سيكلدارىن كورسەتىپ باستادى. الەمدىك ارەنادا الدىڭعى ورىندا كەلە جاتقان تەلەارناعا شىعۋىمىزدىڭ ءوزى ايتۋلى وقيعا. وپەرانى ءسۇيىپ تىڭدايتىن تىڭدارماندار ءبىزدىڭ وپەراداعى جەتىستىكتەرمەن حاباردار بولىپ جاتقانىنا قۋانىشتىمىن. وسىنداي اۋقىمدى مادەني ءىس-شارالار مەملەكەتىمىزدىڭ ءيميدجىن كوتەرىپ، قازاقستانعا كەلۋشى قوناقتار سانىن كوبەيتىپ جاتىر"، - دەيدى «استانا وپەرا» تەاترىنىڭ ءسوليستى سۇندەت بايعوجين.