«قازىرگى تاڭدا اقش پەن جۇڭگو اراسىندا ەكونوميكالىق سوعىس ءجۇرىپ جاتىر، سوعىستىڭ سوڭى اقش-تىڭ جەڭىلىسىمەن اياقتالىپ، قايتا قالپىنا كەلۋى مۇمكىن بولمايدى». مۇنداي پىكىردى اقش پرەزيدەنتى اكىمشىلىنىڭ ساياسي ستراتەگى ستيۆەن بەننون American Prospect باسىلىمىنا بەرگەن سۇحباتىندا ايتتى، دەپ جازادى Qamshy.kz اقپارات اگەنتىگى.
«اقش پەن جۇڭگو اراسىندا ەكونوميكالىق سوعىس ءجۇرىپ جاتىر. 25-30 جىلدان كەيىن ەكى مەملەكەتتىڭ ءبىرى تولىقتاي جەڭىسكە جەتەدى. اقش باعىتىن وزگەرتپەسە، قىتايدىڭ جەڭىسكە جەتەتىنى انىق»، - دەدى ول. سۇحبات ءماتىنى سەيسەنبى كۇنى باسىلىمنىڭ سايتىندا جاريالاندى.
«مەن ءۇشىن قىتايمەن ەكونوميكالىق سوعىس وتكىزۋ – اقش-تىڭ شارۋاسى بىتكەنمەن تەڭ. ەگەر ءبىز جەڭىلە بەرەتىن بولساق، 5-10 جىلدان كەيىن ناعىز قۇلدىراۋ ءساتى ورنايدى. ول كەزدە مەملەكەتتى قايتا قالپىنا كەلتىرۋ مۇمكىن بولمايدى»، - دەپ ەسكەرتتى امەريكالىق ساياساتكەر.
سونداي-اق، بەننون ۆاشينگتوننىڭ ەكونوميكالىق سوعىس بارىسىندا 1974 جىلى قابىلدانعان ساۋدا تۋرالى زاڭنىڭ 301ء-بولىمىن پايدالانۋدى كوزدەيتىنىن ايتتى. اتالمىش بولىمدە كورسەتىلگەندەي، مەملەكەت باسشىسى حالىقارالىق كەلىسىمدى بۇزعان شەتەلدىك مەملەكەتتەرمەن ساياسي، زاڭنامالىق جانە وزگە دە جاعدايلارمەن كۇرەس بارىسىندا كەز-كەلگەن شارانى پايدلانا الادى. ال قىتايمەن اراداعى سوعىس سول ەلدە جۇمىس ىستەيتىن امەريكالىق كومپانيالاردىڭ زياتكەرلىك مەنشىك قۇقىقتارىن بۇزۋ بولىپ تابىلماق.
«جۇڭگو بىزبەن ەكونوميكاىق سوعىستى باستادى جانە جەڭىس سولاردىڭ جاعىندا»، - دەدى ساياسي ستراتەگ.
