سيريانىڭ مانبيدج اتتى قالاسىندا «سيريا دەموكراتيالىق كۇشىنىڭ» ارابيالىقتار مەن كۇردتەر توبى دايش تەرروريستەرىنەن بوستاندىققا شىققاندارىن اتاپ ءوتتى، دەپ حابارلايدى Qamshy.kz  اقپارات اگەنتتىگى DW سايتىنا سىلتەمە جاساپ.

سيرياداعى مانبيدج قالاسىنىڭ مىڭداعان تۇرعىندارى 13 تامىز كۇنى وزدەرىنىڭ ۇيلەرىنە ورالدى. «سيريالىق دەموكراتيالىق كۇشتەر» توبى اقش-تىڭ قولداۋىمەن ارەكەت ەتكەن.

سوڭعى ەكى  ايدا سودىرلاردان باس ساۋعالاپ جۇرگەن مانبيدج قالاسىنىڭ تۇرعىندارىنا كوپتەگەن اۆتوكولىكتەر مەن وزگە دە ترانسپورتتار اكەلىندى.

«دۇكەندەر قايتادان اشىلىپ، جۇمىس ىستەي باستادى. بۇگىن قالاداعى قالىپتى ءومىردىڭ العاشقى كۇنى»، - دەپ مالىمدەدى «سيريالىق دەموكراتيالىق كۇشتىڭ» وكىلى شەرۆان دارۆيش.

فوتولاردا كورىنىپ تۇرعانداي، ولار ساقالدارىن الىپ، پاراندجالارىن شەشىپ تاستاپ، ورتەپ جىبەرگەن، وزدەرىنىڭ بوستاندىقتارىن وسىلاي تويلاتقان.

سودىرلاردىڭ قولىندا بولعان 2000 تۇتقىننىڭ ءبىرشاماسى بوساتىلىپ، كەيبىرەۋلەرى قاشىپ كەتكەن.

الايدا، مانبيدجادا بوستاندىققا قولى جەتكەن تۇرعىنداردىڭ ناقتى سانى ءالى بەلگىسىز.

12 تامىز كۇنى تۇركيامەن شەكارالاس جاتقان قالا تولىعىمەن «سيريا دەموكراتيالىق كۇشتەرىنىڭ» قولىنا ءوتىپ، مانبيدجادان تەرروريستەر تولىعىمەن قۋىلعان بولاتىن.

بۇل قالانى بوساتۋ ءۇشىن ەكى اي بويى كۇرەس جۇرگىزىلگەن.

دايش تەرروريستەر توبى ءۇشىن مانبيدجا قالاسى راككا ازىق-تۇلىك جەتكىزۋ ءۇشىن ماڭىزدى ورتالىق بولعان. راككا – تەرروريستەر توبىنىڭ استاناسى بولىپ تابىلادى.