بارسەلوناداعى لاڭكەستىك ارەكەتتى اتىشۋلى «يراك پەن ليەۆانت لاڭكەستىك توبى» موينىنا الدى. بۇل تۋرالى Qamshy.kz اقپارات اگەنتتىگى «رەيتەر» اگەنتتىگىنىڭ مالىمەتىنە سۇيەنىپ حابارلايدى.

كەشە قالانىڭ ورتالىعىندا شاعىن اۆتوبۋستى تىزگىندەگەن ەر ادام كوشەدەگى ادامداردى قاققان. سوڭعى مالىمەت بويىنشا، 13 ادام اجال قۇشىپ، 100-دەن استامى جارالانعان. 15 ناۋقاستىڭ جاعدايى اۋىر. قازا بولعاندار مەن جاپا شەككەندەر اراسىندا 18 ەلدىڭ ازاماتى بار. قاستاندىققا قاتىستى 1 كۇدىكتىنىڭ كوزى جويىلىپ، ەكەۋى قاماۋعا الىنعانى بەلگىلى. ال يسپانيادا 3 كۇندىك ازا تۇتۋ جاريالانعان. جەرگىلىكتى بيلىك مۇنى سوڭعى 13 جىلدا جاسالعان ەڭ قاندى قىرعىن دەپ اتادى. ءتارتىپ ساقشىلارى قالا تۇرعىندارى مەن قوناقتارىن لاڭكەستىك بولعان اۋماققا جولاماۋدى ەسكەرتتى.

بارسەلونانىڭ تۋريستىك ورتالىعىنداعى وقيعادان قازا بولعاندار مەن جاپا شەككەندەر اراسىندا اۆستراليا، ارگەنتينا، الجير، بەلگيا، ۆەنەسۋەلا، ۆەنگريا، گەرمانيا، گرەسيا، فرانسيا، يسپانيا، يتاليا، جۇڭگو، كۋبا، ماكەدونيا، نيدەرلاند، پەرۋ، رۋمىنيا جانە سولتۇستىك يرلانديا ازاماتتارى بار. يسپانيا پرەمەر-مينيسترى ماريانو راحوي تەررورلىق ارەكەتكە بايلانىستى ەلدە 3 كۇندىك ازا تۇتۋدى جاريالادى.

تەراكت ناتيجەسىندە پوليسيامەن ەكى ادام ۇستالدى. قازىرگى ۋاقىتتا باستى كۇدىكتى- دريس ۋكابير سوپرانو. وسى ەر ادامنىڭ قۇجاتتارى ادامداردى قاققان كولىكتىڭ ىشىنەن تابىلعان. الايدا كۇدىكتى پوليسيا بولىمشەسىنە ءوز ەركىمەن كەلىپ قۇجاتتارىنىڭ جوعالعانىن مالىمدەگەن. 

قازىرگى ۋاقىتتا پوليسيامەن تەرگەۋ ارەكەتتەرى جۇرگىزىلۋدە.