الماتىدا قاماۋداعى جۋرناليست جانبولات مامايدىڭ ۇستىنەن سوت پروسەسى جالعاسىپ جاتىر. سوتتا مەملەكەتتىك ايىپتاۋشى پروكۋرور مامايعا رەسمي ايىپتاۋ اكتىسىن وقىدى، دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
«ساياسي قالام. تريبۋنا» گازەتىنىڭ باس رەداكتورى جانبولات مامايعا قاتىستى «قىلمىستىق جولمەن الىنعان اقشانى زاڭداستىرۋ» ءىسى بويىنشا كۋا رەتىندە بتا بانكتىڭ باسقارما ءتوراعاسىنىڭ ورىنباسارى بولعان جاقسىلىق جارىمبەتوۆ شاقىرىلدى.
سوتتا سويلەگەن جارىمبەتوۆ مامايعا اقشا بەرگەنىن مالىمدەدى. ونىڭ ايتۋىنشا، مامايمەن 2011 جىلى Skype ارقىلى ءابليازوۆ تانىستىرعان. ول «ەلگە تاۋەلسىز باسىلىم كەرەك» دەگەن سەبەپپەن مامايعا قارجىلاي كومەكتەسكەنىن ايتتى.
بيىل ماۋسىم ايىندا الماتى سوتىندا بۇرىنعى بتا بانكتىڭ باسشىسى بولعان مۇحتار ءابليازوۆتىڭ ءىسى بويىنشا جارىمبەتوۆ شارتتى تۇردە سوتتالعان. قاڭتار ايىندا ونى تۇركيادان قازاقستانعا ەكستراديسيالاعان.
تەرگەۋ ءىسى بويىنشا مامايدىڭ وپپوزيسيالىق ساياساتكەر مۇحتار ءابليازوۆ ۇرلاعان اقشانى زاڭداستىرۋعا قاتىسى بار. مامايدىڭ ءوزى ءابليازوۆقا قاتىسى بارىن جوققا شىعارادى. وزىنە تاعىلعان ايىپتىڭ ساياسي استارى بار دەيدى.
