«بارسەلونادا ورىن العان جاعدايدان كەيىن گەرمانيادا تەرروريستىك ءقاۋىپتىڭ ەڭ جوعارعى دەڭگەيى بەلگىلەندى. بۇل جايىندا بەرليندە وتكەن بريفينگتە ءىىم وكىلى يوحاننەس ديمروت مالىمدەدى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

«ءقاۋىپ دەڭگەيى وتە جوعارى، كەشەگى بولعان جاعدايعا دەيىن دە جوعارى دەڭگەيدە ەدى»، – دەيدى ديمروت. سونىمەن قاتار، گەرمانيامەن تىكەلەي بايلانىستىڭ جوق ەكەندىگىن دە اتاپ ءوتتى.

«تەرگەۋ جۇمىستارى وتە قارقىندى ءجۇرىپ جاتقاندىعىن ايتىپ وتكىم كەلەدى»، – دەدى يوحاننەس ديمروت.

ەستەرىڭىزگە سالا كەتسەك، بارسەلونادا رامبلا كوشەسىندە كۇندىز جۇك كولىگى ءبىر توپ تۋريستەردى باسىپ وتكەن. پوليسيا قىزمەتكەرلەرى، مۇنى تەراكت دەپ اتادى. دايش تەرروريستىك توبى اتالمىش ىسكە قاتىستى جاۋاپكەرشىلىكتى ءوز موينىنا العان بولاتىن. تەراكت سالدارىنان 14 ادام قازا تاۋىپ، 100-دەن اسا ادام ءتۇرلى جاراقات العان.