تاجىك ميگرانتتارى رەسەيدىڭ قاۋىپسىزدىك جونىندەگى فەدەرالدى قىزمەتى (فسب) تاراپىنان "كۇدىكتى جەرلەستەرى" تۋرالى اقپارات بەرىپ وتىرۋدى تالاپ ەتەتىن جاعدايلار كوبەيىپ كەتتى دەپ حابارلايدى. اسىرەسە 14 تامىزدا تەراكت جاساماق بولدى دەپ ءبىر توپ ميگرانت ۇستالعاننان كەيىن، فسب "تىڭشىلىققا" ادامداردى تارتۋدى كۇشەيتكەن دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
ەڭبەك ميگرانتتارىنىڭ بىرلەستىگى وكىلدەرىنىڭ سوزدەرىنشە، رەسەيدىڭ ارنايى قىزمەتى ميگرانتتارمەن نەگىزى جاتاقحانالاردا جۇمىس ىستەيدى. ءبىراق سوڭعى ۋاقىتتا ميگرانتتاردى كوشەلەردە ۇستاپ، ارنايى قىزمەتكە جۇمىس ىستەۋگە ۇگىت جۇرگىزە باستاعان.
ماسەلەن شيريندجون كالانداروۆتى مەترودا ازاماتتىق كيىمدەگى ەكى ادام توقتاتقان. وزدەرىن فسب وكىلدەرىمىز دەپ تانىستىرعان ولار "كۇدىكتى جەرلەستەرى" تۋرالى اقپارات بەرىپ وتىرۋدى سۇراعان. ول ءۇشىن سىياقى الاسىڭ دەگەن. "مەن ولارمەن جۇمىس ىستەۋدەن باس تارتقانىمدا، ومىرىمە ءقاۋىپ تونەتىنىن ايتىپ، ويلانۋعا ءبىر اپتا بەردى"، – دەيدى شيريندجون.
"ەتموس" ۇيىمىنىڭ جەتەكشىسى كاريمدجون ءوروۆ ماسكەۋدە فسب وكىلدەرى ميگرانتتاردى ەلدەرىنە قايتارىپ جىبەرەمىز دەپ ءجيى قورقىتاتىنىن ايتادى. «ءبىر تاۋلىكتىڭ ىشىندە تاجىكستاننان كەلگەن 8 ميگرانت ماعان فسب وكىلدەرىنىڭ وزدەرىن بوپسالاعانىن ايتتى»، – دەيدى ءوروۆ.
