رەسەيدىڭ اسكەري-عارىش كۇشتەرى «يسلام مەملەكەتتەرى» تەرروريستىك توبىنىڭ سيرياداعى  دەير ەز-زور اۋدانىنا باعىتتالعان كوللونناسىنىڭ كوزىن جويدى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ. بۇل جايىندا رەسەيدىڭ قورعانىس مينيسترلىگى مالىمدەدى.

«رەسەيدىڭ اسكەري-عارىشتىق كۇشتەرى سيريانىڭ دەير ەز-زور اۋدانىنا قاراي باعىت العان «يسلام مەملەكەتتەرى» تەرروريستەر توبىنىڭ ءبىر كوللوناسىنىڭ كوزىن جويدى. ول جەردە حالىقارالىق تەرروريستەر توپتاسىپ، سيرياداعى سوڭعى تۇعىردى جابدىقتاۋعا تىرىسقان»، - دەلىنگەن حابارلامادا.

رەسەيلىك اسكەري ۆەدومستۆانىڭ مالىمەتىنە سايكەس، اسكەري-عارىش كۇشتەرى ۇلكەن كاليبرلى قارۋلار، قۇرىلىس ەرىتىندىلەرى جانە دە بروتەحنيكامەن جابدىقتالعان 20-دان استام جوعارى جىلدامدىقتى كولىكتەردى، تانكىلەردى قيراتقان.

«سونىمەن قاتار، 200-دەن استام سودىرلار مەن وق-دارىلەر سالىنعان جۇك كولىكتەرىنىڭ كوزىڭ قۇرتتى»، - دەپ مالىمدەدى رەسەي قورعانىس مينيسترلىگى.

مينيسترلىكتىڭ مالىمەتىنشە، «يسلام مەملەكەتتەرى» تەرروريستىك توبىنىڭ دەير ەز-زور اۋدانىندا كۇيرەي جەڭىلۋى سيرياداعى حالىقارالىق لاڭكەستىك توپتاردىڭ ستراتەگيالىق جەڭىلىس تابۋى بولىپ تابىلادى.