گونكونگتە 20 تامىز كۇنى ون مىڭعا جۋىق ادام نارازىلىق شەرۋىنە شىقتى دەپ حابارلايدى Qamshy.kz اقپارات اگەنتتىگى korrespondent.net-كە سىلتەمە بەرىپ. ولار 3 ساياسي بەلسەندىنى اباقتىعا قاماۋ ۇكىمىنە نارازى. شەرۋدى ۇيىمداستىرۋشىلاردىڭ سوزىنشە بۇل شارا سوڭعى 3 جىلداعى ەڭ اۋقىمدى باس كوتەرۋ بولعالى تۇر.
ەسكە سالساق، وتكەن اپتادا سوت ستۋدەنتتىك ەرەۋىلدىڭ 3 كوشباسشىسىن ايىپتى دەپ تانىدى. ولار 2014 جىلى گونكونگتە كوتەرىلىس ۇيىمداستىرعان بولاتىن. زاڭسىز وتكىزىلگەن ەرەۋىلدىڭ قاتىسۋشىلارى اكىمشىلىك باسشىسىنىڭ ءادىل تاعايىندالۋىن تالاپ ەتكەن. ءسويتىپ ۇكىمەتتىك كەشەنگە باسا-كوكتەپ كىرگەن. وسىدان سوڭ جاستار پوليسەيلەرمەن قاقتىعىسىپ قالدى. بۇل جاعدايدان كەيىن ەلدە اۋقىمدى شەرۋلەر باستالدى. قارسىلىق اكسيالارى 2 ايعا دەيىن توقتاۋسىز جالعاستى.
