بۇگىن ۇكىمەت ۇيىندە ق ر پرەمەر-مينيسترى باقىتجان ساعىنتايەۆتىڭ توراعالىعىمەن ق ر ۇكىمەتى جانىنداعى جوعارى عىلىمي-تەحنيكالىق كوميسسيانىڭ (جعتك) كەزەكتى وتىرىسى ءوتتى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.
وتىرىس بارىسىندا قازىرگى كەزدەگى عىلىمدى دامىتۋدىڭ باسىمدىقتى باعىتتارى، سونداي-اق عىلىمدى ودان ءارى قارجىلاندىرۋ ماسەلەلەرى مەن ەلىمىزدە فارماسيەۆتيكالىق كلاستەردى دامىتۋ ماقساتىندا ازىرلەنگەن ق ر ءبعم-نىڭ «2018-2020 جىلدارعا ارنالعان بىرەگەي دارى-دارمەكتەردى ازىرلەۋ مەن ولاردى زەرتتەۋ ناتيجەلەرىن كوممەرسيالاندىرۋ» باعدارلاماسىنىڭ عىلىمي-تەحنيكالىق جوباسى تالقىلاندى.
ەسكە سالا كەتەيىك، ۇكىمەت جانىنداعى جوعارى عىلىمي-تەحنيكالىق كوميسسيا ق ر ۇكىمەتىنىڭ قاۋلىسىمەن 2011 جىلعى 20 ساۋىردە قۇرىلعان جانە ول – ق ر ۇكىمەتى جانىنداعى كونسۋلتاتيۆتىك-كەڭەسشى ورگان. جعتك وتىرىستارى قاجەتتىلىگىنە بايلانىستى جىلىنا كەم دەگەندە ەكى رەت وتكىزىلەدى.
پىكىر قالدىرۋ