«بارسەلونا» كاپيتانى اندرەس ينەستا كاتالوندىق كلۋبتىڭ بولاشاعى تۋرالى ءسوز قوزعادى دەپ حابارلايدى Qamshy.kz  اقپارات اگەنتتىگى vesti.kz-كە سىلتەمە جاساي وتىرىپ.

يسپانيالىق فۋتبولشى بيىلعى ماۋسىم اياقتالعاندا كلۋبتان كەتۋى مۇمكىن ەكەنىن جوققا شىعارمادى. ينەستا كەيىنگى ۋاقىتتا بۇرىن باسىنان وتكەرمەگەن جاعدايعا تۇسكەنىن ايتادى. 

«بارسەلونامەن» كەلىسىمشارتتى ءالى ۇزارتقام جوق. بۇرىن بولماعان سەزىمدەرمەن ارپالىسىپ ءجۇرمىن. بۇل قالىپتى دا شىعار. ءقازىر ءۇش جىل بۇرىن ەلەستەتىپ كورمەگەن سەنارييلەر بار. «بارسەلونادان» كەتۋدى جوسپارلاپ ءجۇرمىن، بۇرىن مۇندايدى ويلاپ تا كورمەپ ەدىم»، – دەپ كەلتىرەدى ينەستانىڭ ءسوزىن El Pais.

«بارسەلونا» كاپيتانى، ءتىپتى، «پاري سەن-جەرمەن» كلۋبىنا اۋىسىپ كەتكەنى ءۇشىن نەيماردى سىناعان جوق. 

سونىمەن بىرگە، كاتالوندىق كلۋبتان باستى جۇلدىز ليونەل مەسسي دە كەتۋى مۇمكىن ەكەنى ءسوز بولىپ وتىر. انگليانىڭ "مانچەستەر سيتي" كلۋبى ارگەنتينالىق ويىنشىنى 300 ميلليون ەۋروعا ساتىپ الۋعا دايىن.