يسپانيا پوليسيا قىزمەتكەرلەرى بارسەلونادا كولىكپەن ءبىر توپ ادامدى قاعىپ وتكەن ەر ادامنىڭ كىم ەكەندىگىن انىقتادى. بۇل تۋرالى Qamshy.kz اقپارات اگەنتتىگى RT-عا سىلتەمە بەرىپ حابارلايدى.
لاڭكەستىڭ 22 جاستاعى يۋنەس ابۋ ياكۋب ەسىمدى ازامات ەكەنى بەلگىلى بولدى. كاتالونيانىڭ قۇقىق قورعاۋ ورگاندارى تەرروريستەردىڭ جالپى سانى 12 بولعانىن مالىمدەگەن. ونىڭ بەسەۋى ۇستالىپ، تورتەۋى ليكۆيداسيالانىپ، ەكەۋى وقيعا ورنىندا قازا تاپقان. ال بىرەۋى ىزدەستىرىلۋ ۇستىندە.
ەسكە سالساق، 17 تامىز كۇنى يسپانيانىڭ بىرنەشە وڭىرىندە تەرروريستىك ارەكەتتەر ورىن الىپ، ناتيجەسىندە 130 ادام زارداپ شەگىپ، 14 ادام قازا تاپتى.
پىكىر قالدىرۋ