قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ قولداۋىمەن «قازاقستاننىڭ جاستارىنىڭ كونگرەسى» زتب 2017 جىلدىڭ 24-28 تامىز ارالىعىندا تالدىقورعان قالاسىندا جاس كاسىپكەرلەر، بيزنەس يدەياسى بار جاستار، مۇددەلى تۇلعالار مەن ۇيىمداردىڭ قاتىسۋىمەن ءداستۇرلى «جاستار بيزنەس-تاعىلىمدامالارى» جوباسىنىڭ وتەتىنىن حابارلايدى.

اتالمىش ءىس-شارا جاس كاسىپكەرلەرگە پراكتيكالىق ءبىلىمدى جەتىلدىرۋگە، تاجىريبە الماسۋعا، سونداي-اق ءوز ءىسىنىڭ وزىق ەلوردالىق كاسىپكەرلەردەن بيزنەستى دامىتۋدىڭ جاڭا قۇرالدارىمەن تانىسۋعا سەپتىگىن تيگىزەدى دەپ حابارلايدى Qamshy.kz اقپارات اگەنتتىگى قازاقستان جاستار كونگرەسىنىڭ باسپا ءسوز قىزمەتىنە سىلتەمە جاساپ.

تاعىلىمدامانىڭ باستى ماقساتى – جاستاردىڭ يننوۆاسيالىق جانە كاسىپكەرلىك الەۋەتىن ارتتىرۋعا جاردەمدەسۋ جانە اشۋ، بۇگىنگى كۇنى جۇمىس بارىسىنداعى شوب كاسىپورىندارىنىڭ ىس-شارالارىمەن تانىستىرۋ ارقىلى  جاس كاسىپكەرلەردىڭ قۇزىرەتتىلىگىن جوعارىلاتۋ.

سونىمەن قاتار، جوبا اياسىندا ماستەر-كلاستار، ترەنينگتەر، تابىستى كاسىپورىنداردا تاعىلىمدامالار جانە بەدەلدى كاسىپكەرلەرمەن ارنايى كەزدەسۋلەر وتەدى. ءىس-شاراعا استانا، الماتى قالالارى جانە قالعان 13 وڭىردەن ءبىر-بىر جاس كاسىپكەردەن شاقىرىلادى. ال الماتى وبلىسىنان 15 ادام قاتىسادى دەپ كوزدەلۋدە.

جاتتىقتىرۋشىلاردىڭ ساپالىق قۇرامى:

• اسحات ءابجانوۆ، "WAKE UP TECHNOLOGY" ءجشس-نىڭ باس ديرەكتورى، "TurKus Global Trade" (تم Lamifaren ) ءجشس-نىڭ باس ديرەكتورى؛
• سەيسەمبايەۆ قۋانىش، "Toptyres.kz" ءجشس-نىڭ باس ديرەكتورى؛
• سۆەتلانا درۋز، Baribirge.kz كومپانياسىنىڭ ديرەكتورى قىزمەتىن اتقارۋشىسى؛

• اقتوتى سارسەنوۆا، سرۆا بويىنشا ماشىقتانۋشى كاسىبي ساراپشى(Certified Professional Behavior Analyst)&CPVA (Certified Professional Values Analyst)، رسرم «جاڭا ۇرپاق» سەرىكتەسى مەن وپەراسيالىق ديرەكتورى؛
• اسلان ەسجان ۇلى، كاسىپكەر، بيزنەس-جاتتىقتىرۋشى، «Azamatyouthclub» قورىنىڭ نەگىزىن قالاۋشى.

بيزنەس-تاعىلىمداما جوباسى 5 كەزەڭنەن تۇرادى: 1-بلوك – كاسىپكەرلەردىڭ الەۋەتىن  كۇشەيتۋ؛ 2-بلوك – مادەني-ويىن-ساۋىقتىق شارالار؛ 3-بلوك – كاسىپكەرلەر مەن جاستار ۇەۇ-نىڭ ىنتىماقتاستىعى؛ 4-بلوك – تەليەۆيزيالىق جانە راديولىق تۇسىرىلىمگە قاتىسۋ، سونداي-اق جوبا اياقتالعاننان كەيىن اقپاراتتى باسپا باق-تا ورنالاستىرۋ؛ 5-بلوك – قوعامدىق تاڭداۋلار وتكىزۋ. (ءىس-شارالار باعدارلاماسىن قوسىمشادان قاراڭىز).

وتەتىن ۋاقىتى جانە ورنى: 25 شىلدە 10:00 (سالتاناتتى اشىلۋى)

28 تامىز 12:00 (سالتاناتتى جابىلۋى)

تالدىقورعان قالاسى، الماتى وبلىسى