قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى (مۇقك) باسپا ءسوز قىزمەتىنىڭ حابارلاۋىنشا، بىشكەكتە حالىقارالىق تەرروريستىك ۇيىمنىڭ وكىلدەرى ۇستالعان.

ولاردىڭ ىشىندە 1966 جىلى تۋعان گ.ا. دەگەن ازامات پەن 1971 جىلى تۋعان س.س. دەگەن ازاماتتار تمد ەلدەرىنىڭ بىرىنەن شىققان. ەكەۋىنە دە سيرياداعى تەرروريستىك ۇيىمعا قاتىسى بار دەلىنىپ ىزدەۋ جاريالانعان.

"اتالعان ەكى ازامات تەرروريستىك ۇيىم باسشىلارىنىڭ نۇسقاۋىمەن قاتارلارىنا ادام تارتۋ ءۇشىن، قىرعىزستانعا بارعان"، – دەپ مالىمدەيدى مۇقك.

2017 جىلدىڭ ماۋسىم ايىندا ارنايى قىزمەت قىرعىزستان اۋماعىندا تەراكتى جاساماق بولدى دەگەن كۇدىكپەن ءتورت ادامنىڭ ۇستاعانىن حابارلاعان. وسىنىڭ الدىندا قاۋىپسىزدىك كەڭەسىنىڭ حاتشىسى تەمىر جۇماقادىروۆ 2016 جىلى 17 تەراكتىنىڭ الدىن الدىق دەگەن.

رەسمي مالىمەتتەرگە قاراعاندا، يراك پەن سيريا اۋماعىندا تەرروريستەر قاتارىندا 500 قىرعىز ازاماتى سوعىسىپ ءجۇر. اباقتىدا ەكسترەميزم جانە تەرروريزم ايىبى بويىنشا 185 ادام جازاسىن وتەپ جاتىر.