بۇگىن ەكسپو-2017 حالىقارالىق مامانداندىرىلعان كورمە اياسىندا ساۋد ارابيا كورولدىگىنىڭ ۇلتتىق كۇنى مەرەكەلەندى دەپ حابارلايدى Qamshy.kz اقپارات اگەنتتىگى. «بولاشاق ەنەرگياسى» - كورمە تاقىرىبى ەل ۇكىمەتىنىڭ 2040 جىلعا قاراي ەلەكتر ەنەرگياسىن ءوندىرۋ ءۇشىن قازبا وتىنىن قولدانۋدان باس تارتۋ تۋرالى ۇستانىمىن كورسەتەدى. ابداللا يبن ءابدۋل-ازيز ال ساۋد اتىنداعى جاڭارتىلاتىن جانە اتومدىق ەنەرگيا عىلىمي قالاشىعىنىڭ پرەزيدەنتى دوكتور ءحاشىم ياماني الەم ەلدەرى بولاشاق ءۇشىن ەنەرگيانى ساقتاۋ، جاڭا تەحنولوگيالاردى پايدالانۋ جانە ولاردى ءتيىمدى قولدانۋ ادىستەرىن ەنگىزۋ بويىنشا بىرلەسىپ جۇمىس اتقارۋ قاجەتتىگىن اتاپ ءوتتى.

 «قازاقستاندى ەكسپو-2017 كورمەسىنىڭ ءساتتى ۇيىمداستىرۋىمەن جانە ءىس-شارانىڭ نەگىزگى ماقساتتارىنا قول جەتكىزۋىمەن قۇتتىقتايمىن. ەكى ەل اراسىندا ورناعان باۋىرمالدىق قارىم-قاتىناس ءوزارا ءتيىمدى ەكونوميكالىق، مادەني ىنتىماقتاستىقتىڭ دامۋىنا نەگىز بولدى. ەكسپو-2017 كورمەسىنە قاتىسۋىمىز - بولاشاققا سەنىممەن قارايتىندىعىمىزدى كورسەتەدى. ساۋد ارابيا كورولدىگى تابيعي رەسۋرستارعا باي، ينۆەستيسيالىق الەۋەتى زور جانە گەوگرافيالىق ورنالاسۋى قولايلى مەملەكەت بولىپ تابىلادى. الەمدىك ەنەرگەتيكا سالاسىنداعى جەتەكشى ورنىندى ساقتاۋ ءۇشىن ساۋد ارابيا كورولدىگى بالامالى ەنەرگيانىڭ ەكولوگيالىق تازا جانە ءقاۋىپسىز ءوندىرىسىن قامتاماسىز ەتەتىن ناقتى قادامداردى جۇزەگە اسىرۋدا. سونداي-اق، جاڭارتىلاتىن ەنەرگيا كوزدەرى سالاسىندا يننوۆاسيالاردى قولدانۋدى كوزدەيدى. ەلىمىزدىڭ پاۆيلونى اتالعان باعىتتى دامىتاتىندىعىمىزدى كورسەتەدى»، - دەدى دوكتور ءحاشىم ياماني.

ءوز كەزەگىندە قازاقستان رەسپۋبليكاسى اۋىل شارۋاشىلىعى ۆيسە-مينيسترى رۇستەم قۇرمانوۆ ساۋد ارابيا كورولدىگىنىڭ ۇلتتىق پاۆيلونىندا ۇسىنىلعان تەحنولوگيالار كورمەنىڭ ءساتتى وتۋىنە ءوز ۇلەسىن قوساتىندىعىن اتاپ ءوتتى.

«ساۋد ارابيا كورولدىگىنىڭ يسلام الەمىندەگى ەكونوميكالىق مۇمكىندىكتەرى مەن گەوساياسي ورنالاسۋىنىڭ ماڭىزى زور. قازاقستان تاۋەلسىزدىككە قول جەتكىزگەننەن باستاپ ەكى ەل اراسىنداعى قارىم-قاتىناستىڭ، سونىڭ ىشىندە ەنەرگەتيكا سالاسىنداعى دامۋدىڭ الەۋەتى زور دەپ سانايمىز. بۇگىنگى ءىس-شارا قازاقستان رەسپۋبليكاسى مەن ساۋد ارابيا كورولدىگى اراسىنداعى ءوزارا ءتيىمدى ىنتىماقتاستىقتى دامىتۋ جولىندا جاڭا سەرپىن بەرەتىندىگىنە كامىل سەنەمىن»،- دەپ قورىتىندىلادى ق ر اۋىل شارۋاشىلىعى ۆيسە-مينيسترى.

ساۋد ارابيا كورولدىگىنىڭ ۇلتتىق پاۆيلونى مەملەكەتتىڭ الەمدەگى ەنەرگەتيكالىق بالانىستىڭ ساپالى جانە ءقاۋىپسىز تۇرلەندىرۋى بويىنشا مۇمكىندىكتەرىن كورسەتەدى. پاۆيلوننىڭ باستى تاقىرىبى «تۇراقتى ەنەرگيا كورولدىگى، بولاشاقتاعى وزگەرىس». ونداعى ەكسپوزيسيالار كورمەگە كەلۋشىلەردى مەملەكەتتىڭ مادەنيەتى، ءسالت-داستۇرى جانە تاريحىمەن تانىستىرادى.