2010 جىلدان باستاپ يندۋستريالاندىرۋ كارتاسى اياسىندا استانادا 24 جوبا ىسكە اسىرىلدى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
«يندۋستريالاندىرۋ كارتاسى اياسىندا 2010-2016 جىلدار ارالىعىندا استانادا جالپى سوما 232،6 ملرد. تەڭگەگە 24 جوبا ىسكە اسىرىلدى. سونىڭ ارقاسىندا شامامەن 3 مىڭ جۇمىس ورنى قۇرىلدى»، – دەدى كاسىپكەرلىك جانە ونەركاسىپ باسقارماسى كاسىپكەرلىكتى جانە ونەركاسىپتى دامىتۋ ءبولىمىنىڭ باسشىسى ازامات راشيتوۆ.
ونىمەن بىرگە يندۋستريالاندىرۋ كارتاسى اياسىندا وندىرىستىك ءونىمنىڭ كولەمى اعىمداعى جىلدىڭ 7 ايىندا 22،3 ملرد. تەڭگەگە نەمەسە 2016 جىلدىڭ سول كەزەڭىمەن سالىستىرعاندا 1،2 ەسە ارتىپ، 111،3 ملرد. تەڭگەنى قۇرادى. ۆەدومستۆو مالىمەتتەرى بويىنشا جوبالاردىڭ جۇكتەمەسى ورتاشا ەسەپپەن العاندا 78 پايىزدى قۇرايدى.
