Sputnik قىرعىزستان پورتالىنىڭ ۆيدەووپەراتورى ەميل سادىروۆ ىستىقكولدەگى جابايى اڭداردى وڭالتۋ ورتالىعىنداعى قار بارىستارى مەكەندەيتىن كورپۋستا بولىپ قايتتى، دەپ حابارلايدى Qamshy.kz اقپارات اگەنتتىگى.

انانيەۆو اۋىلىنداعى تاۋدا ءۇش قار بارىسى تۇرادى – كۋناك، السۋ جانە كوليۋچكا. ءبىر كەزدەرى اڭداردى قاراقشىلار قولدارىنا ءتۇسىرىپ، ەلدەن اسىرماق بولدى. الايدا شەكارادان ءوتىپ بارا جاتقان ساتتە ارنايى قىزمەتكەرلەردىڭ قولىنا ءتۇسىپ، اڭدار NABU وڭالتۋ ورتالىعىنا جەتكىزىلگەن.

بۇگىندە كۋناكۋ مەن السۋ 16 جاستا، ال كوليۋچكا 9-دا. ءبىر بارىس كۇنىنە 3 كەلى ەت جەيدى. اڭداردى تاماقتاندىرۋ ءۇشىن قىزمەتكەرلەر ەسەك ۇستايدى.

قار بارىستارى 10 جىلعا جۋىق ءومىر سۇرەدى، سول سەبەپتى كۋناكۋ مەن السۋ قارتايىپ قالعان اڭدار بولىپ ەسەپتەلەدى. 4 جىل بۇرىن NABU ورتالىعىندا 5 بارىس بولعان كورىنەدى، الايدا ونىڭ ەكەۋىن قازاقستانعا وپەراسيا جاساتۋعا جىبەرگەن. ءسويتىپ ەكى بارىس قازاقستانداعى جەرگىلىكتى زووباقتا قالادى.