ورتالىق كوممۋنيكاسيالار قىزمەتىندە ق ر ينۆەستيسيالار جانە دامۋ مينيسترلىگى ينۆەستيسيالار كوميتەتى ءتوراعاسىنىڭ ورىنباسارى لاريسا جۇماعالييەۆانىڭ، پولشا رەسپۋبليكاسىنىڭ كاسىپكەرلىكتى دامىتۋ اگەنتتىگى ءتوراعاسىنىڭ ورىنباسارى نينا دوبجىنسكايانىڭ، «ەكسپو-2017» كورمەسىندەگى پولياك سەكسياسىنىڭ باس كوميسسارى اندجەي ستەفانسكيي مەن پولشانىڭ قازاقستانداعى ەلشىلىگىنىڭ وكىلى ت.زاپالسكييدىڭ قاتىسۋىمەن قازاقستان – پولشا ەكونوميكالىق ىنتىماقتاستىعىنا ارنالعان باسپا ءسوز كونفەرەنسياسى ءوتتى دەپ حابارلايدى Qamshy.kz اقپارات اگەنتتىگى.
قازاقستان جانە پولشا اراسىنداعى ەكونوميكالىق بايلانىستاردى كۇشەيتۋ، پولياك ينۆەستيسيالارى، تاۋارلارى مەن قىزمەتتەردىڭ قازاقستاندىق نارىققا قاتىسۋىن كەڭەيتۋ ماقساتىندا، پولشا استاناداعى ەكسپو-2017 كورمەسىنە بەلسەنە قاتىسۋدا. «بولاشاق ەنەرگياسى» اتتى پولياك پاۆيلونى زاماناۋي كومىر تەحنولوگيالارى، ءوندىرۋدىڭ جاسىل تەحنولوگيالارى، ەلەكترلىك ەنەرگيا مەن بيوماسسانى ءوندىرۋ، سونداي-اق، ەنەرگەتيكالىق نارىقتى سيفرلاندىرۋ تۇرىندە ۇسىنىلعان.
ەكسپو-2017 كورمەسىنە پولياك ەلى قاتىسۋىنىڭ ەڭ باستى وقيعاسى پولشانىڭ پرەزيدەنتى اندجەي دۋدانىڭ استاناعا ساپارىنىڭ اياسىندا وتەتىن پولشا ۇلتتىق كۇنى جانە ءۇ.ج. 6-7 قىركۇيەكتە قازاقستان – پولشا بيزنەس-فورۋمى بولادى. بۇل قازاقستان – پولشا كاسىپكەرلەرىنىڭ ەكىنشى فورۋمى بولىپ تابىلادى. ءبىرىنشىسى ۆارشاۆادا 2016 جىلعى 23 تامىزداعى قازاقستاننىڭ پرەزيدەنتى نۇرسۇلتان نازاربايەۆتىڭ پولشاعا مەملەكەتتىك ساپارىنىڭ اياسىندا وتكەن. وتكەن جىلعى فورۋمنىڭ ناتيجەسى ەكىجاقتى ساۋدا-ەكونوميكالىق جانە ينۆەستيسيالىق ىنتىماقتاستىقتىڭ ايتارلىقتاي جانداندىرۋعا مۇمكىندىك بەرگەنىن اتاپ ءوتۋ كەرەك: پولشا دامۋ مينيسترلىگىنىڭ مالىمەتتەرى بويىنشا 2017 جىلدىڭ ءبىرىنشى جارتى جىلىنىڭ ىشىندە ەكىجاقتى تاۋار اينالىمى 601،9 ملن.ەۋرونى قۇراپ، 2016 جىلدىڭ سول كەزەڭىنە قاراعاندا 75%-عا ۇلعايدى؛ قازاقستاندىق ەكسپورت 90%-عا ۇلعايىپ، 389،1 ملن. ەۋرونى قۇرادى (2016 ج.-205 ملن.ەۋرو)، ال پولشا يمپورتى 54،5%-عا ۇلعايىپ 212،8 ملن.ەۋرو قۇرادى (انىقتاما: ق ر قم مكك مالىمەتتەرى بويىنشا 2017 ج. قاڭتار-ماۋسىمدا تاۋار اينالىمى $314،57 ملن. ($432،13 ملن. 2016 جىلدا - 37%-عا تومەندەدى)، ەكسپورت - $171،8 ملن.، يمپورت – $142،74 ملن. 2016 جىلداعى تاۋار اينالىمىنىڭ جالپى كولەمى $759،4 ملن.).
بۇگىنگى كۇندە فورۋمعا 240 پولياك وكىلدەرىنىڭ قاتىسقاندىعى راستالدى، ونىڭ ىشىندە 140-تان استامى كومپانيالار. پولشا رەسپۋبليكاسىنىڭ كاسىپكەرلىكتى دامىتۋ اگەنتتىگى ءتوراعاسىنىڭ ورىنباسارى ن.دوبجىنسكايا اتاپ وتكەندەي، ەلوردالىق فورۋمعا تىركەلگەن قاتىسۋشىلاردىڭ سانى پولياك بيزنەسىنىڭ قازاقستاندىق نارىققا قىزىعۋشىلىعىن راستايتىن، كوشپەلى بيزنەس-فورۋمداردى وتكىزۋ تاريحىنداعى ەڭ ماڭىزدىلارىنىڭ ءبىرى بولىپ تابىلادى.
بريفينگتىڭ قاتىسۋشىلارى فورۋمدى ۇيىمداستىرۋ جاڭا ەكونوميكالىق ىنتىماقتاستىقتىڭ باعىتتارىن تالقىلاۋعا، سونىڭ ىشىندە «ءبىر بەلدەۋ، ءبىر جول» جىبەك جولى جوبالارىن دامىتۋ جاعدايى، سونداي-اق، ىسكەرلىك بايلانىستاردى ودان ءارى كەڭەيتۋ، ەكونوميكالىق ءوزارا ارەكەتتەستىكتىڭ دەڭگەيىن ۇلعايتۋ جانە قازاقستان رەسپۋبليكاسىنا پولياك ينۆەستيسيالارىن ۇلعايتۋعا تاماشا مۇمكىندىكتى بەرەتىنىن باسا ايتتى. ءىس–شارانىڭ ماڭىزدى كومپونەنتتەرى ايماقارالىق ىنتىماقتاستىق بولادى. قازاقستاندىق وبلىستارمەن تىكەلەي بايلانىستاردى ورناتۋ ءۇشىن فورۋمعا مارشالاكتار (اكىمدەر) باسقاراتىن 5 پولياك ۆويەۆودستۆولار دەلەگاسياسى (لودزينسك، نيجنەسيلەزسك، سۆەنتوكشىشسك، پودلياسك جانە ليۋبەلسك) قاتىسادى. فورۋمنىڭ قورىتىندىسى بويىنشا قازاقستاندىق جانە پولياك كومپانيالارى اراسىندا ەكونوميكالىق كەلىسىمدەر جاساۋ جوسپارلانۋدا.
ەكسپو-2022 وتكىزۋ قۇقىعى ءۇشىن لودز پولياك قالاسىنىڭ قاتىسۋ تۇرعىسىندا، ەكسپو-2017 كورمەسى پولياك ارىپتەستەر ءۇشىن قازاقستاندىق ارىپتەستەرمەن ديالوگتى دامىتۋ بويىنشا تاماشا مۇمكىندىك بولىپ تابىلادى. استانانىڭ ءساتتى تاجىريبەسىن ەسكەرە وتىرىپ، باس كوميسسار ا.ستەفانسكيي، قازاقستاندىق جانە پولياك تاراپتارى اراسىندا ەكسپو كورمەسىن وتكىزۋ بويىنشا بولاشاقتا كەڭەستەر ۇيىمداستىرۋدى ەسكەرتتى.
سونداي-اق، ءۇ.ج. 7 قىركۇيەكتە ەكسپو-2017 كورمەسى بارىسىندا پولياك پرەزيدەنتىنىڭ قاتىسۋىمەن پولشا ۇلتتىق كۇنىنە، قازاقستاندا تۇراتىن پولياك دياسپوراسىنا ارنالعان سالتاناتتى شارالار وتكىزۋ كوزدەلگەن. «استانا بالەت» كونسەرت زالىندا گالا-كونسەرتى، پولشا ۇلكەن تەاترىنىڭ قويىلىمى مەن باسقا شارالار وتكىزۋ جوسپارلانۋدا.
