بۇگىن استاناداعى ماسكەۋ كۇندەرى اياسىندا «جەرۇيىق» ساياباعىندا كەڭەس وداعىنىڭ باتىرى، گەنەرال ي.ۆ. ءپانفيلوۆتىڭ ەسكەرتكىشىنە جانە «28 پانفيلوۆشى» مونۋمەنتىنە گۇل قويۋ ءراسىمى ءوتتى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ مالىمەتىنە سۇيەنىپ حابارلايدى. 

ماسكەۋلىك دەلەگاسيانى ماسكەۋ ۇكىمەتىنىڭ ءمينيسترى، قالالىق سىرتقى ەكونوميكالىق جانە حالىقارالىق بايلانىس دەپارتامەنتىنىڭ باسشىسى سەرگەي چەرەمين  باسقاردى. پانفيلوۆشىلارعا قۇرمەت كورسەتىپ، رۋحىنا تاعزىم ەتۋگە كەلگەندەردىڭ قاتارىندا ماسكەۋ مەملەكەتتىك دۋماسىنىڭ دەپۋتاتتارى، حالىقارالىق جانە ءوڭىرارالىق قاتىناستار ۆەدومستۆوسىنىڭ باسشىلارى، سونداي-اق تمد ەلدەرى بويىنشا ءوزارا ارەكەت جونىندەگى ماماندار بار.

استانا اكىمدىگىن «الماتى» اۋدانىنىڭ اكىمى ادىلبەك سارسەنبايەۆ، سىرتقى ساياسات باسقارماسىنىڭ باسشىسى ەرلان كاناليموۆ جانە ءدىن ىستەرى جونىندەگى باسقارما باسشىسى دانيار ەسين تانىستىردى.

تاراپتار شارانىڭ ماڭىزدىلىعىن اتاپ ءوتىپ، قازا تاپقان جاۋىنگەرلەردىڭ رۋحىنا تاعزىم ەتتى.

قازا تاپقان جاۋىنگەرلەردىڭ رۋحىنا تاعزىم ەتۋ – استاناداعى ماسكەۋ كۇندەرىنىڭ اياسىندا وتكىزىلەتىن مادەني شارالاردىڭ ءبىر بولىگى.