قازاقستاندا 200-دەن استام «التىن بەلگى» يەگەرلەرى جوعارعى وقۋ ورنىندا تەگىن وقۋ قۇقىعىنان ايىرىلدى. بۇل تۋرالى Qamshy.kz اقپارات اگەنتتىگى كتك-عا سىلتەمە بەرىپ حابارلايدى.

ولاردىڭ اتا-انالارىنىڭ مالىمدەۋىنشە، ءبىلىم مينيسترلىگى ولاردىڭ سەرتيفيكاتتارىن جوققا شىعارعان.

ابيتۋريەنتتەردىڭ سوزىنە قاراعاندا 200-دەن اسا وقۋشى تەگىن ءبىلىم الۋ مۇمكىندىگىنەن ايىرىلعان.

«مەن – نازاربايەۆ مەكتەبىنىڭ تۇلەگىمىن. تەستىلەۋدەن 122 بالل جينادىم. «التىن بەلگى» يەگەرىمىن. ماعان اسفەندياروۆ ۋنيۆەرسيتەتىنە تۇسكەنىمدى حابارلاعان بولاتىن. ال ەندى ولار گرانتتاردى جويعانىن ايتىپ جاتىر. بۇل نەتكەن سۇمدىق!» – دەيدى اسەم ەسمۇراتوۆا ەسىمدى ابيتۋريەنت.

اتالعان ۋنيۆەرسيتەتتە ءبىلىم جانە عىلىم مينيسترلىگىنىڭ بۇيرىعىمەن 220 گرانتتىڭ كۇشى جويىلعانىن ايتتى. الايدا ونىڭ سەبەپتەرى ناقتىلانباعان. ولاردىڭ 70ء-ى س.اسفەندياروۆ اتىنداعى مەديسينالىق ۋنيۆەرسيتەتكە تيەسىلى.

وسى ماسەلە جايىندا ءبىلىم مينيسترلىگىنىڭ وزىندە تەگىن ءبىلىم بەرۋ سەرتيفيكاتتارىنىڭ كۇشىن جويۋ تۋرالى ۆەدومستۆادا ەشكىم بۇيرىق بەرمەگەنىن جەتكىزگەن.