ۋكراينانىڭ باس پروكۋراتۋراسى ۆلاديمير جيرينوۆسكييدى تەرروريزمدى قارجىلاندىردى دەپ ايىپتادى. تەرگەۋ مالىمەتىنە سۇيەنسەك، 2014 جىلى لحر جانە دحر ءۇشىن قارجى جيناعان قىلمىستىق توپتى باسقارعان. بۇل تۋرالى ۆەدومستۆونىڭ باسپا ءسوز قىزمەتى حابارلادى دەپ جازادى Qamshy.kz اقپارات اگەنتتىگى.
ۋكراينانىڭ باس پروكۋراتۋراسى رەسەي ليبەرالدى-دەموكراتيالىق پارتيانىڭ باسشىسى ۆلاديمير جيرينوۆسكييدى «تەرروريزمدى قارجىلاندىرۋ» بابى بويىنشا ايىپتاپ وتىر.
«وسى قىلمىستىق ارەكەتتەر دەرەگى بويىنشا ۋكراينانىڭ باس پروكۋراتۋراسى ۋكراينانىڭ قىلمىستىق كودەكسىنىڭ 27-بابىنىڭ 3-بولىگىنە، 258-باپتىڭ 3-بولىگىنە (تەرروريزمدى قارجىلاندىرۋ) سۇيەنە وتىرىپ، ۆلاديمير جيرينوۆسكيي قىلمىس جاسادى دەگەن كۇدىك كەلتىردى»، – دەلىنگەن حابارلامادا.
ۆەدومستۆو مالىمەتىنشە، تەرگەۋ وسى قىلمىسقا قاتىسى بار ادامداردى انىقتاۋعا جانە ولاردى قىلمىستىق جاۋاپكەرشىلىككە تارتۋعا قاتىستى شارالاردى قولدانىپ جاتىر.
