قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنىڭ ءتورايىمى كريستين مۋتتونەنمەن جانە وسى ۇيىمنىڭ باس حاتشىسى روبەرتو مونتەللامەن كەزدەستى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساي وتىرىپ.
گۇلشارا ءابدىقالىقوۆا كەزدەسۋ بارىسىندا بيىل ەلىمىزدىڭ ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشە بولعانىنا 25 جىل تولىپ وتىرعانىن اتاپ ءوتتى. سونداي-اق، پارلامەنتتىك اسسامبلەيا باسشىلىعىنىڭ 62ء-شى پاگۋوش كونفەرەنسياسىنا قاتىسۋى بۇل ۇيىمنىڭ قازاقستان جەتەكشى ورىننىڭ ءبىرىن الىپ وتىرعان يادرولىق قارۋسىزدانۋ ماسەلەلەرىنە زور ءمان بەرەتىنىن كورسەتەتىنىن ايتتى.
مەملەكەتتىك حاتشى وسى جىل قازاقستاننىڭ ستراتەگيالىق دامۋىنىڭ بەتبۇرىستى كەزەڭى ەكەنىنە نازار اۋداردى. ەلباسى قاڭتاردا ءبىرقاتار پرەزيدەنتتىك وكىلەتتىكتەردى پارلامەنت پەن ۇكىمەتكە بەرۋ ارقىلى بيلىك تارماقتارى اراسىنداعى وكىلەتتىكتەردى قايتا ءبولۋ باستاماسىن كوتەردى. كونستيتۋسيالىق رەفورما جاريالانعاننان كەيىن مەملەكەت باسشىسى حالىققا «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جىل سايىنعى جولداۋىن ارنادى. قازاقستان پرەزيدەنتىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى ءۇشىنشى نەگىزگى باستاما بولدى.
گۇلشارا ءابدىقالىقوۆا مەملەكەت باسشىسىنىڭ قولداۋى ارقاسىندا ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا بيلىك، ازاماتتىق قوعام جانە حالىقارالىق ۇيىمدار اراسىنداعى ديالوگقا ارنالعان ءتيىمدى پلاتفورماعا اينالعانىن ايتتى. گەندەرلىك ساياسات «ەرلەر مەن ايەلدەردىڭ تەڭ قۇقىقتارىنىڭ جانە تەڭ مۇمكىندىكتەرىنىڭ مەملەكەتتىك كەپىلدىكتەرى تۋرالى»، «تۇرمىستىق زورلىق-زومبىلىق پروفيلاكتيكاسى تۋرالى» زاڭدارمەن رەتتەلەدى. بىلتىر قازاقستان رەسپۋبليكاسىندا 2006-2016 جىلدارعا ارنالعان گەندەرلىك تەڭدىك ستراتەگياسى ءساتتى ىسكە اسىرىلىپ، قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى بەكىتىلدى.
مەملەكەتتىك حاتشى ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنا مۇشە ەلدەردىڭ نازارىن تەرروريزممەن كۇرەستىڭ وزەكتى ماسەلەلەرىنە اۋدارۋ ءۇشىن وسى ۇيىم جانىنان ارناۋلى كوميتەت قۇرۋ تۋرالى ك.مۋتتونەننىڭ باستاماسىن قازاقستاننىڭ قولدايتىنىن اتاپ ءوتتى.
سونداي-اق، گۇلشارا ءابدىقالىقوۆا «استانا ەكسپو-2017» كورمەسى اياسىندا 31 تامىز – 1 قىركۇيەك ارالىعىندا «ايەلدەر بولاشاقتىڭ ەنەرگياسىن قولدايدى» اتتى حالىقارالىق فورۋم وتەتىنىن ايتتى. كورمە اياقتالعان سوڭ وندا حالىقارالىق جاسىل تەحنولوگيالاردى جانە ينۆەستيسيالىق جوبالاردى دامىتۋ ورتالىعى اشىلاتىن بولادى. مەملەكەتتىك حاتشى بۇل ورتالىقتىڭ قالىپتاسۋى مەن دامۋىنا ەۋروپاداعى قاۋىپسىزدىك جانە ىنتىماقتاستىق ۇيىمى ءوز ۇلەسىن قوساتىنىنا سەنىم ءبىلدىردى.
