رەسەيدە ۆلاديمير ءپۋتيننىڭ ساياساتىنا قارسى شىعىپ، ەرەۋىلگە باستاپ شىعۋشىلاردى توقتاتۋدىڭ جاڭا ءادىسى پايدا بولدى. ولاردى «قالقان» جۇيەسى ارقىلى جاڭادان شىعارىلعان كاماز-دىڭ كومەگىمەن توقتاتادى دەپ حابارلايدى Qamshy.kz اقپارات اگەنتتىگى by24.org سايتىنا سىلتەمە جاساي وتىرىپ.

جاڭادان ويلاپ تابىلعان كاماز-دىڭ فوتولارى «كالاشنيكوۆ» اتتى قارۋ-جاراقتاردى قۇراستىرۋشىنىڭ رەسمي سايتىندا جاريالاندى.

اتالمىش كولىكتىڭ اۆتورلارىنىڭ ايتۋىنشا، بۇل باستامانى كومپانيا قىزمەتكەرلەرى كوتەرگەن. بۇل كاماز-دىڭ باستى ەرەكشەلىگى – وندا ەرەۋىلگە شىققان ادامداردى مىجىپ تاستايتىن سىرعۋ پانەلى بار گيدراۆليكالىق جەتەگى بولىپ تابىلادى. ول پوليسيا قىزمەتكەرلەرى مەن روسگۆارديا قىزمەتكەرلەرىندە بولاتىن جۇگىرۋ تاقتالارىمەن، سونىمەن قاتار باقىلاپ وتىرا الاتىن ءارى اتالعان قىزمەتكەرلەر ءۇشىن ءقاۋىپسىز بولىپ تابىلاتىن تەرەزەلەرمەن جابدىقتالعان. قالقاننىڭ اشىق جەرلەرى ادامدارعا وق اتۋعا مۇمكىندىك بەرەدى.

بۇل كاماز-دىڭ سۋ اتقىلايتىن تەتىگى دە بار. سول ارقىلى ەرەۋىلگە شىققانداردىڭ ۇستىنەن سۋ شاشۋعا بولادى ەكەن.

ايتا كەتەر بولساق، ەرەۋىلگە شىققانداردى باسىپ تاستاۋعا ارنالعان مۇنداي كاماز ەشبىر ەلدە جوق.