گامبۋرگ قالاسىندا ءوتىپ جاتقان بوكستان الەم چەمپيوناتىندا قازاقستاندىق بوكسشى ابىلايحان ءجۇسىپوۆتىڭ يتاليا سپورتشىسى ۆينچەنسو ماندجاكاپرەمەن بولعان جەكپە-جەگىنىڭ ۆيدەوسى جاريا بولدى، دەپ حابارلايدى Qamshy.kz اقپارات اگەنتتىگى.
ايتا كەتەر بولساق، قازاقستاندىق بوكسشى ابىلايحان ءجۇسىپوۆ يتالياندىق ۆينچەنسو ماندجاكاپرەمەن جۇدىرىقتاسقان بولاتىن. جەكپە-جەكتىڭ باستاپقى كەزەڭىندە تورەشىلەر ابىلايدىڭ جاراقاتىنا بايلانىستى ءۇشىنشى راۋندتا جۇدىرىقتاسۋدى توقتاتىپ، جەڭىستى يتالياندىق سپورتشىعا بەرگەن بولاتىن. الايدا، تورەشىلەردىڭ بۇل شەشىمىن ادىلەتسىز دەپ تاۋىپ، قايتا قارالعان ەدى. ناتيجەسىندە، جەڭىس جەرلەسىمىز ابىلايحان جۇسىپوۆكە بۇيىردى.
