قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ پەن ياسجتشۇ دايىندىق كوميسسياسىنىڭ اتقارۋشى حاتشىسى لاسسينا زەربونىڭ بىرلەسكەن مالىمدەمە جاسادى، دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنە سىلتەمە جاساپ.
- يادرولىق سىناقتارعا قارسى حالىقارالىق كۇنىنە وراي يادرولىق سىناقتارسىز بەيبىتشىلىككە جەتۋ ءۇشىن ءبىز ءازىر ەكەنىمىزدى مالىمدەيمىز جانە يادرولىق سىناقتارعا جاپپاي تىيىم سالۋ تۋرالى شارتتىڭ (ياسجتش) كۇشىنە تۇپكىلىكتى ەنۋىنە ءوزىمىزدىڭ بەل بايلاعانىمىزدى راستايمىز.
- 1991 جىلدىڭ 29 تامىزدا سەمەي پوليگونىن جابۋ تۋرالى قازاقستان پرەزيدەنت نۇرسۇلتان نازاربايەۆتىڭ تاريحي شەشىمى قۋاتتى ساياسي سەرپiن بەردi جانە سوڭىندا 1996 جىلى ياسجتش قابىلداۋعا اكەلگەن حالىقارالىق كۇش-جيگەرلەرگە ايرىقشا ۇلەس قوستى. شارتتىڭ قابىلدانعان ساتتەن باستاپ، قازاقستان يادرولىق سىناقتارعا جاپپاي تىيىم سالۋ تۋرالى شارتتىڭ ۇيىمىن (ياسجتشۇ) تۇبەگەيلى قولدايدى جانە سايىپ كەلگەندە يادرولىق قارۋدى تولىق جويۋىن قولداۋعا ازىرلىگىن پاش ەتەدى. وسىعان وراي، 2008 جىلى سەمەيدە ينسپەكسيالار بويىنشا ياسجتشۇ-نىڭ العاشقى اۋقىمدى كەشەندى دالا جاتتىعۋى وتكەنىن اتاپ وتكەن ءجون.
- شارتتىڭ XIV بابىندا كوزدەلگەن پروسەستىڭ تەڭ ءتوراعاسى رەتىندە قازاقستان جاپونيامەن بiرگە ياسجتش كۇشىنە ەنۋىنە جاردەمدەسۋدەگى جاھاندىق كۇش جيگەرلەرىندە جەتەكشى ءرول اتقارادى.
- قازاقستان 2017-2018 جىل بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە يادرولىق قارۋدى تاراتپاۋ جانە قارۋسىزدانۋ نىعايتۋعا باعىتتالعان حالىقارالىق كۇش-جىگەردى قولداۋدى تالماي جالعاستىرۋدا، سونداي-اق حالىقارالىق بەيبىتشىلىك پەن قاۋىپسىزدىك ءۇشىن يادرولىق قارۋدىڭ قاۋىپ-قاتەرلەرىن باسا نازار اۋدارادى.
5. يادرولىق سىناقتارعا قارسى حالىقارالىق كۇنىندە ءبىز قول جەتكىزگەن جەتىستىكتەرىمىزدى ەسكە الۋىمىز كەرەك. ياسجتش- ءنىڭ امبەباپ مارتەبەسى بار: بۇگىنگى كۇندە شارتقا 183 مەملەكەت قول قويعان جانە 166 مەملەكەت راتيفيكاسيالاعان. سونداي-اق، ياسجتش-نىڭ حالىقارالىق مونيتورينگ جۇيەسى (IMS) اياقتالۋعا جاقىن. ول ءوزىنىڭ پارمەندىلىگىن جانە تيىمدىلىگىن دالەلدەدى. ءبىز حالىقارالىق قاۋىپسىزدىك پەن سەنىمدى نىعايتۋ ءۇشىن شارت مونيتورينگى جۇيەسىنىڭ شەشۋشى رولىنە سەنىمدىمىز جانە ونى ءارى قاراي قولداۋعا بەيىلدىلىگىمىزدى راستايمىز. - ماقتاۋعا بولاتىن نارسەگە يە بولعانىمىزعا قاراماستان، شارتتىڭ ءوزى ءالى دە كۇشىنە ەنۋى قاجەت. ءبىز بارلىق قاتىسۋشى مەملەكەتتەردى يادرولىق سىناقتارعا تىيىم سالۋ حالىقارالىق قۇقىقتا مىندەتتى سيپات الۋدىڭ ونىڭ كۇشىنە ەنۋ ءۇشىن بار كۇش-جيگەرلەردى سالىپ كەلگەندە شاقىرامىز. سونداي-اق، ءبىز بارلىق مەملەكەتتەردى يادرولىق سىناقتارعا ءموراتورييدى ساقتاۋدى جالعاستىرۋعا شاقىرامىز.
- ءبىز شارتقا قول قويماعان جانە / نەمەسە راتيفيكاسيالاماعان مەملەكەتتەردى ودان ءارى كەشىكتىرۋسىز جۇزەگە اسىرۋعا شاقىرامىز. اتاپ ايتقاندا، ءبىز شارتتىڭ كۇشىنە ەنۋى ءۇشىن ياسجتش №2-قوسىمشاداعى راتيفيكاسياسى قاجەت قالعان سەگىز ەلدى كوشباسشىلىق كورسەتۋ جانە وسى ماڭىزدى قادامدى جاساۋعا شاقىرامىز.
- يادرولىق قارۋدىڭ تارالۋىن جانە يادرولىق سىناقتاردىڭ قايتا باستالۋى مۇمكىندىكتەرىنە بايلانىستى الاڭداۋشىلىق جاعدايىنا، قازاقستان مەن ياسجتشۇبارلىق مەملەكەتتەردى يادرولىق سىناقتارعا قارسى حالىقارالىق كۇنىنە ارنالعان ءىس-شارالارعا قاتىسۋعا، سونداي-اق شارتتىڭ كۇشىنە ەنۋى ءۇشىن بارلىق مۇمكىندىكتى جاساۋعا شاقىرادى.
- ءوزىمىز جانە بولاشاق ۇرپاق ءۇشىن ءبىز يادرولىق سىناقتارعا جاپپاي تىيىم سالۋ تۋرالى شارتتىڭ كىدىرمەستەن كۇشىنە ەنۋىنە قول جەتكىزۋگە مىندەتتىمىز.
