ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ناشيد (ءدىني اۋەندەر) تىڭداعان الماتى قالاسىنىڭ تۇرعىنىنا قاتىستى قويىلعان سۇراققا جاۋاپ بەردى دەپ حابارلايدى Qamshy.kz اقپارات اگەنتتىگى.
«بۇقارالىق اقپارات قۇرالدارىندا ءبىر ازاماتتى ءدىني اۋەندەر تىڭداعانى ءۇشىن جاۋاپكەرشىلىككە تارتىپ جاتىر دەگەن جاريالانىمدار پايدا بولدى. ءبىراق بۇل جۋرناليستەر مەن ادۆوكاتتار تاراپىنان جاسالىپ وتىرعان ءايلا-تاسىل. قازىرگى ۋاقىتتا وسى ماسەلە بويىنشا پروسەسس ءجۇرىپ جاتىر. شىنىمەن دە، ءبىر ازامات تۇتقىندالدى. وعان الەۋمەتتىك، ناسىلدىك، ۇلتتىق، ءدىني، تەكتiك-توپتىق جانە رۋلىق الاۋىزدىقتى قوزدىرۋعا باعىتتالعان ارەكەتى ءۇشىن ارنايى باپ نەگىزىندە ايىپ تاعىلىپ جانە تەرروريزمدى ناسيحاتتايتىن ماتەريالداردى تاراتقانى ءۇشىن قىلمىستىق ءىس قولعالدى»، – دەپ ءتۇسىندىردى ق ر ۇكىمەتىنىڭ ءباسپاسوز-ورتالىعىندا وتكەن بريفينگتە نۇرلان ەرمەكبايەۆ.
سونىمەن بىرگە، مينيستر بولىپ جاتقان سوت تالقىلاۋىنىڭ جاي-جاپسارىن بىلمەيتىنىن مالىمدەپ، بۇقارالىق اقپارات قۇرالدارىنىڭ وكىلدەرىن مۇنداي اقپاراتتارعا سىني تۇرعىدان قاراۋعا شاقىردى.
«مەن سوت ءۇردىسى ءجۇرىپ جاتقاندىقتان، اتالعان وقيقاعا بايلانىستى ازىرگە باسقا دا تۇسىنىكتەمەلەر بەرە المايمىن. ءبىراق، جالپى ايتارىم، ءارتۇرلى اقپارات قۇرالدارىندا شىعىپ جاتقان جاريانالىمدارعا بارىنشا سىني تۇرعىدا قاراۋ كەرەك. كوبىنەسە اقپاراتتا شىن مانىندە نە بولعانى باياندالماي، بۇرمالانىپ بەرىلەدى. سوندىقتان، ۋاكىلەتتى ورگانداردىڭ رەسمي حابارلامالارىنا جۇگىنگەن ءجون»، – دەپ ءوز ويىن ءبىلدىردى مينيستر نۇرلان ەرمەكبايەۆ.
ەستەرىڭىزگە سالا كەتەيىك، بۇرىندارى بۇقارالىق اقپارات قۇرالدارىندا «ۆكونتاكتە» الەۋمەتتىك جەلىسىندە اراب تىلىندە «ناشيد» (ءدىني اۋەندەر) تىڭداعان الماتى قالاسىنىڭ تۇرعىنىنا قاتىسى سوت وتىرىسى باستالعانى تۋرالى حابار تاراعان ەدى.
