قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن الماس مادييەۆ لوندوننىڭ ەكونوميكا جانە ساياسي عىلىمدار مەكتەبىنە وقۋعا تۇسكەن ەرلان اۋكەنوۆتىڭ ءبىرجارىم جىلدىق وقۋ دەمالىسى مەرزىمىنە الماتى قالاسى اكىمىنىڭ ورىنباسارى بولىپ تاعايىندالدى دەپ حابارلايدى Qamshy.kz اقپارات اگەنتتىگى قالا اكىمدىگىنە سىلتەمە جاساپ.
الماتى اكىمى باۋىرجان بايبەك ەرلان اۋكەنوۆتىڭ ەنەرگەتيكالىق كەشەن مەن كوممۋنالدى شارۋاشىلىق سالالارىن، كاسىپكەرلىكتى دامىتۋداعى، ينۆەستيسيا تارتۋداعى جانە باسقا دا اتقارعان جۇمىستارىن جوعارى باعالادى.
سوڭعى 2 جىل ىشىندە الماتىنىڭ يندۋستريا كارتاسىنا 190 ملرد. تەڭگەنىڭ 100 جوباسى ەنگىزىلدى، ونىڭ قۇنى 35،6 ملرد. تەڭگە بولاتىن 33 جوباسى ىسكە استى، سونىڭ ارقاسىندا قالادا 2،7 مىڭ جاڭا جۇمىس ورنى پايدا بولدى.
بيزنەستىڭ جول كارتاسى جانە قالالىق «جىبەك جولى» باعدارلامالارى اياسىندا 2015 جىلدان باستاپ 755 بيزنەس-جوبا مەملەكەتتەن قولداۋ تاپتى، ناتيجەسىندە 3،4 مىڭ جاڭا جۇمىس ورنى اشىلىپ، بۇرىننان بار 10 مىڭنان استامى ساقتالىپ قالدى. «جىبەك جولىنىڭ» يگى ىستەرىن سارالاي كەلىپ، بيىلعى جىلى ءۇش جاڭا وڭىرلىك باعدارلامالار: «الماتى ءونىم»، «الماتى يننوۆاسيا» جانە «الماتى تۋريزم» جۇمىس ىستەي باستادى، بۇلاردىڭ جالپى قۇنى 1،3 ميلليارد تەڭگە.
الماتىدا ەرلان اۋكەنوۆتىڭ باستاماسى بويىنشا ەلىمىزدە بالاماسى جوق كاسىپكەرلىكتى ىنتالاندىرۋدىڭ جاڭا نىسانداردى اشۋ كارتاسى ىسكە استى. 2016 جىلى قۇنى 156،6 ملرد. تەڭگە بولاتىن 131 وبەكت اشىلدى جانە 3 مىڭنان استام جاڭا جۇمىس ورنى قۇرىلدى. 2017 كارتاعا 155 ملرد. تەڭگەنىڭ 93 جوباسى ەندى. اتاپ وتەرلىك جايت، الماتى بويىنشا باعالاناتىن قازاقستان «Doing Business» حالىقارالىق رەيتينگىندە 2015 جىلدان 77-دەن 35 ورىنعا كوتەرىلدى. بۇكىلالەمدىك بانكتىڭ باعاسى بويىنشا سۋبۇلتتىق رەيتينگتە الماتى 8 قالالاردىڭ ىشىنەن 1ء-شى ورىندى يەلەندى.
جىلۋەنەرگەتيكا كەشەنى مەن تۇكش-تا سوڭعى 3 جىل ىشىندە جۇرگىزىلگەن قايتا جاساۋ بارىسىندا اپاتتى جاعدايلار 10%-عا تومەندەدى. جىلۋ ماۋسىمى باستالار الدىندا بىرنەشە ينجەنەرلىك جەلىلەر ىسكە قوسىلاتىن بولادى، بۇل وتكەن 2 جىلمەن سالىستىرعاندا ەداۋىر كوپ.
ەرلان اۋكەنوۆتىڭ وقۋ دەمالىسى كەزىندە الماتى قالاسى اكىمىنىڭ ورىنباسارى مىندەتىن اتقارۋشى بولىپ الماس مادييەۆ تاعايىندالدى، ول بۇعان دەيىن كاسىپكەرلىك جانە يندۋستريالدى-يننوۆاسيالىق باسقارمانىڭ باسشىسى قىزمەتىن اتقارعان ەدى.
الماس مادييەۆ ماماندىعى بويىنشا ينجەنەر-ەكونوميست، زاڭگەر، جامبىل جەڭىل جانە تاماق ونەركاسىبى تەحنولوگيالىق ينستيتۋتىن، ك.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن بىتىرگەن.
ءتۇرلى جىلدارى جامبىل تەحنولوگيالىق ينستيتۋتىندا وقىتۋشى، جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ باسقارماسىندا جەتەكشى مامان، جامبىل وبلىسى اكىمى اپپاراتىنىڭ قارجى جانە الەۋمەتتىك قورعاۋ بولىمدەرىنىڭ باسشىسى، جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ جانە كاسىپكەرلىك پەن ونەركاسىپ باسقارمالارىنىڭ باسشىسى، «ۇك «اكك «وڭتۇستىك» اق-نىڭ قارجى ديرەكتورى، باسقارۋشى ديرەكتورى،باسقارما ءتوراعاسىنىڭ ورىنباسارى، «قازاقستاننىڭ ينۆەستيسيالىق قورى» اق-نىڭ قارجى دەپارتامەنتىنىڭ ديرەكتورى، «ۇك «اكك» پاۆلودار» اق-نىڭ باسقارما ءتوراعاسى، جامبىل وبلىسى كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى قىزمەتتەرىن اتقارعان.
