اۋىل شارۋاشىلىعىنا قاتىستى بيزنەستى اۋىل تۇگىلى، قالادا دا شەبەر يگەرۋگە بولادى. شىمكەنتتەگى بوزارىق ەلدىمەكەنىندە قورا-قورا تۇيە باعىلاتىن شارۋا قوجالىعى بار. بەكجان جۇنىسبەكوۆ باپتاعان ويسىلقارا ءتولىنىڭ سۇتىنە بۇگىندە سۇرانىس جوعارى. شۇبات كوپ دەرتكە شيپالى ەم، ءنارلى سۋسىن ەكەنىن بىلايعى جۇرت جاقسى بىلەدى. حالىق ءقازىر «ەمدىك قاسيەتى مول» دەپ، وركەشتى جانۋاردىڭ ءزارىن دە سۇراپ كەلەتىن بولعان، دەپ حابارلايدى Qamshy.kz اقپارات اگەنتتىگى قازاقستان-شىمكەنت ارناسىنا سىلتەمە جاساپ. 

شاعىن اتىراپتا شاعىن بيزنەستىڭ باستالعانىنا نەبارى 3 اي. سوعان قاراماستان، مۇندا تاڭ جيەگى سوگىلمەي كەلۋشىلەردىڭ قاتارى قالىڭ...

يا، ءدال وسى تۇيە ءسۇتىنىڭ ءدامىن تاتۋ ءۇشىن جەرگىلىكتى تۇرعىندار مۇندا تاڭعى 6-دان باستاپ كەزەككە تۇرادى. كوپتەگەن اۋرۋلارعا مىڭنان ءبىر ەم بولعان بۇل سۋسىننىڭ ۇلت ساۋلىعى ءۇشىن پايداسى مول. ءارى سۋسىن، ءارى تاماق. عالىمداردىڭ پايىمىنشا، شۇباتتىڭ ۇلتتىق برەندكە اينالۋى دا عاجاپ ەمەس. قىمىراندى جوعارى تەحنولوگيامەن وڭدەۋ ەل ەكونوميكاسىنا دا كوپ سەپتىگىن تيزىگەدى دەپ كۇتىلۋدە. 

ساۋلە راحمانوۆا – ساۋىنش"تاڭەرتەڭ 5 جارىمنان 6-عا دەيىن ساۋىلادى. تۇستە 1 جارىمنان 2-گە دەيىن، كەشكە 7 جارىمنان 8-گە دەيىن ساۋىلادى. كۇنىنە 1 تۇيەدەن 5 ليترگە دەيىن ءسۇت الىنادى. تۇيەنىڭ سۇتىنە سۇرانىس وتە كوپ، ەمدىك قاسيەتى دە مول"، - دەپ ايتادى ساۋىنشى ساۋلە راحمانوۆا.

شۇباتتىڭ كومەگىمەن  قاتەرلى ىسىك، السگەيمەر دەرتى، سارى اۋرۋ، جوعارى تىنىس جولدارى  اۋرۋىنا شالدىققاندار اياعىنا نىق تۇرعان. مۇندا كەلۋشىلەر دە  بويعا ەرەكشە كۇش-قۋات ءبىتىپ،  اعزاسىندا جەڭىلدىكتى بايقاي باستاعان.  زات الماسۋى دا  جاقسارا تۇسكەن.

شىمكەنت قالاسىنىڭ تۇرعىنى اقجارقىن بايدۋللا قىزى بۇعان قاتىستى بىلاي دەپ پىكىر ءبىلدىردى: "15 كۇندەي بولدى. باۋىرىم اۋىرادى. كۇيەۋىمنىڭ وكپەسىنە سۋىق تيگەن. سونىڭ بارىنە ءىشىپ جاتىرمىز. اللاعا شۇكىر، جامان ەمەس. بۇل كىسىلەرگە مىڭ العىس ايتامىز. وسىنشاما حالىقتى قامتىپ، 80-90 ادامداي ءىشىپ جاتىرمىز. بارلىعى جاقسى، تازا ۋسلوۆيالارى. ودنورازوۆۆىي ستاكاندارمەن بەرەدى.

بوزارىق ەلدىمەكەنىنىڭ تۇرعىنى حانتورە قاسىمبەكوۆ بىلاي دەيدى: "مەن كۇندە تاڭعى" ساعات 6-دان باستاپ تۇيەنىڭ ءزارىن، ودان كەيىن ءسۇتىن ءىشىپ، ەم قابىلداپ جاتىرمىن. بىرنەشە كۇن بولدى، دەنساۋلىعىم دا دۇرىس بولىپ قالدى. كوپتەگەن اۋرۋلار مازالايتىن ەدى، سونىڭ ءبارى قويدى. باسقالارعا دا ەم بولسىن! كەلىپ، تۇيەنىڭ ءسۇتىن ىشۋگە كەڭەس بەرەمىن. "

قىزجىبەك اپا قانت ديابەتىنە شالدىققان. بۇيرەگى دە سىر بەرگەن. ەستىمەگەن ەلدە كوپ... 1 اي كولەمىندە... تۇيەنىڭ ءزارىن ءىشىپ، جەڭە باستادى. دەرتىنە داۋا تاپقان پايعامبار جاسىنداعى كەيۋانانىڭ كاسىپ يەلەرىنە ايتار العىسى شەكسىز.

"10 جىل بولدى قانت ديابەتىمەن اۋىرعانىما. ەستىپ، وسىندا كەلدىك. 10 كۇندەي ەم قابىلدادىم. ەمى 40 كۇندەي ەكەن. تۇندە وتە كوپ دالاعا شىعۋشى ەدىم، ءقازىر ونداي جوق. شارشاڭقىرايتىنمىن، ۇيىقتاي بەرەتىنمىن، جاتىپ قالىپ. ءقازىر بويىم سەرگەك، وتە جاقسى سەزىنەمىن ءوزىمدى"، - دەيدى ەمدەلۋشى قىزجىبەك بايماناسوۆا.

ەل العىسىن ارقالاعان ەردىڭ بولاشاققا جوسپارى مول. ءقازىر تۇتىنۋشىلار ءۇشىن 20 ورىندىق جاتىن بولمەسىن سايلاعان.  

"بۇگىنگى تاڭدا قالا تۇرعىندارى وسىندا كەلىپ، ەم قابىلداپ جاتىر، بوزارىق ەلدىمەكەنىندە اشقانبىز. باۋىرى اۋىراتىندار، ا، ۆ، س گەپاتيتىنە شالدىققاندار، راك اۋرۋىنا ۇشىراعاندار 40 كۇندە جازىلىپ، ەمدەلىپ كەتتى. 00:03:43 اكىمشىلىك تاراپىنان قانداي دا بولسا ءبىر قولداۋ كورسەتىلسە، وسى مالدى كوبەيتىپ، 50 باسقا دەيىن جەتكىزۋ جوسپاردا بار"، - دەيدى جەكە كاسىپكەر بەكجان جۇنىسبەكوۆ.

جەكە شارۋا قوجالىعى  دەرت دەندەگەننىڭ دە، جۇمىس ىزدەگەننىڭ دە سۇرانىسىن قاناعاتتاندىرىپ وتىر.  مۇندا 5 ادام جۇمىسپەن قامتىلعان.  ءبىرى  تاڭەرتەڭنەن تۇيەنى تۇرعىزىپ،  ءارقايسىسىنان 1 ليتردەن ءزار جينايدى. ونىسى... ءوت جولدارىنىڭ قابىنۋىنا، اسقازانعا پايدالى بىلەم.    كەلەسى جۇمىسشى تۇلىكتى  قۇنارلى ءشوپ،  شيپالى تىكەنگە اپارىپ جايادى.  ايداپ كەلىپ،  ساۋادى. ال، شۇباتتىڭ بابى، ەلگە قىزمەتتىڭ قامى – كەيىنگى مامانداردا.