جەڭىلىپ كورمەگەن قازاقستاندىق بوكسشى گەنناديي گولوۆكين (37-0، 33 كو) كاسىپقوي رينگتە ءالى قانشا ۋاقىت جۇدىرىقتاساتىنى تۋرالى ايتتى، دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

"مەن ءوزىمدى جاقسى سەزىنىپ ءجۇرمىن، جاسىما ساي. 25 پەن 35 اراسىندا ۇلكەن ايىرماشىلىق سەزگەنىم جوق. بۇرىنعىسىنشا كۇندە جاتتىعامىن، ءبارى باياعى قالپىندا. سپاررينگتەر دە سونداي، جىلدامدىق تا، كۇش تە. ون جىل بۇرىنعى قالپىمدامىن، 35-تە بولسام دا، ءوزىمدى 25 جاستاعىداي سەزىنەمىن. جان دۇنيەم "كانەلودان" دا جاس بولار".

مۇمكىن، 40 جاسىما تامان قويارمىن. ءالى بەس جىلىم بار. ءار كۇن وزىنشە قيىن جانە ءقاۋىپتى. ازىرشە جاعدايىم جاقسى. وتباسىم مەن كوماندام مەنى قولداپ كەلەدى. ماعان ىڭعايلى. سوندىقتان ءالى بەس جىل جۇدىرىقتاساتىن شىعارمىن"، – دەپ كەلتىرەدى بوكسشىنىڭ ءسوزىن Boxingnews24.com.

مۇنىڭ الدىنداعى سۇحباتتاردىڭ بىرىندە گولوۆكين "كانەلومەن" جەكپە-جەكتەن كەيىن بوكستان كەتۋى مۇمكىن ەكەنىن ايتقان.

الايدا قازاقستاندىقتىڭ باپكەرى ابەل سانچەستىڭ سوزىنشە، گولوۆكيننىڭ ءسوزىن بۇرمالاپ جىبەرگەن، بۇعان ءبىر جاعىنان ونىڭ اعىلشىن تىلىندەگى اكسەنتى دە سەبەپ.

گولوۆكين كاسىپقوي رينگكە العاش 2006 جىلى شىعىپ، 37 جەكپە-جەگىنىڭ بارلىعىندا جەڭىسكە جەتكەن، ونىڭ 33 كەزدەسۋى نوكاۋتپەن اياقتالعان. وسى كورسەتكىشتەرىنىڭ ارقاسىندا گولوۆكين ورتا سالماقتاعى ەڭ مىقتى نوكاۋتشى رەتىندە گيننەسس رەكوردتار كىتابىنا ەندى.