17 جاستاعى جاس جەتكىنشەك بۇكىل الەم بويىنشا ادامداردىڭ وز-وزىنە قول جۇمساۋ پروسەسىن ۇيىمداستىرماق بولعان. ول قۇرعان حالىقارالىق ۇيىم مۇشەلەرى بارلىعى ءبىر كۇندە وزدەرىنە قول جۇمساۋعا مىندەتتى بولدى دەپ حابارلايدى Qamshy.kz اقپارات اگەنتتىگى Life.ru سايتىنا سىلتەمە جاساپ.
باسكونيا پوليسياسى 17 جاستاعى بالانىڭ ۇيىمداستىرعان ادام شوشىرلىق ارەكەتىنىڭ الدىن الدى. ول الەۋمەتتىك جەلى ارقىلى توپ اشىپ، وندا تىركەلگەن ادامداردى ءبىر كۇندە وزدەرىنە قول جۇمساۋعا مىندەتتەگەن. ارگەنتينالىق جاس جەتكىنشەكتىڭ ويىنشا، بۇل وقيعا 17 تامىز كۇنى ورىن الۋى ءتيىس ەكەن.
تەرگەۋ جۇمىستارى ءالى كۇنگە دەيىن جالعاسىپ جاتقاندىقتان جاس جەتكىنشەكتىڭ قۇرىعىنا ىلىككەندەردىڭ سانى مەن ولاردىڭ ۇلتى ازىرگە قۇپيا تۇردە ساقتالادى. اتالمىش توپ الەمدە كەڭىنەن تارالعان «كوك كيت» ويىنىنا وتە ۇقساس.
تەك ءبىر عانا ايىرماشىلىعى – جاپپاي وز-وزىنە قول جۇمساۋدى ۇيىمداستىرعان جەتكىنشەك ءوزىنىڭ سوڭىنان ىلەسكەندەرگە كۇن سايىن ءبىر تاپسىرما بەرىپ وتىرىپ، ولىمگە اقىرىنداپ الىپ كەلمەگەن. 17 جاستاعى ءجاسوسپىرىم ءبىر كۇندە بارلىعى بىرگە وزدەرىن ولتىرۋىنە مىندەتتەگەن.
ارگەنتينا فەدەرالدى پوليسيا قىزمەتكەرلەرى بالانىڭ سان-حوستا ورنالاسقان ۇيىنەن وتكىر پىشاق پەن قان ءسىڭىپ قالعان ماتا تاپقان. سونىمەن قاتار ول بالانىڭ پسيحيكالىق اۋىتقۋشىلىعى بار ەكەندىگى بەلگىلى بولدى.
پىكىر قالدىرۋ