WBC، WBA (Super)، IBF جانە IBO تۇجىرىمدارى بويىنشا الەم چەمپيونى قازاقستاندىق گەنناديي گولوۆكين ەكىنشى بالاسى دۇنيەگە كەلەتىنىن مالىمدەدى. بۇل تۋرالى بوكسشى L'Equipe فرانسۋز گازەتىنە بەرگەن سۇحباتىندا ايتتى، – دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

"اقش-تا وزىممەن بىرگە باۋىرىم ماكسيم ءجۇر، سەبەبى ول كوماندانىڭ ءبىر بولشەگى، باپكەر. قاسىمدا ايەلىم مەن بالام دا بار، ۇلىم امەريكالىق مەكتەپتە وقىپ، ءاردايىم قۋانتىپ ءجۇر. ايەلىم جۇكتى. ەكىنشى بالانى كۇتىپ ءجۇرمىز. ول وسىندا، اقش-تا تۋادى"، – دەدى گولوۆكين.

ايتا كەتەيىك، بيىل 7 شىلدەدە 35 جاستاعى گولوۆكين ۇيلەنگەنىنە 10 جىل تولعانىن تويلادى. بۇل بىردەي ساندارعا كەلەتىن كۇنى اتالىپ ءوتتى – 7.07.2007. ونىڭ ايەلى الينا دا قاراعاندىنىڭ تۋماسى، ءوزى جايلى ينتەرنەتتە جاريا ەتە بەرمەيدى. جۇپ تويعا دەيىن جەتى جىل كەزدەسىپ ءجۇرىپتى. الينا گولوۆكينانىڭ ەكى جوعارى ءبىلىمى بار، الايدا وتباسى ءۇشىن مانسابىنان باس تارتقان. 2009 جىلى ولاردىڭ ۆاديم ەسىمدى بالاسى دۇنيەگە كەلگەن، ونىڭ ەسىمى بوكسشىنىڭ قايتىس بولعان اعاسىنىڭ قۇرمەتىنە قويىلعان. بالا حوككەيمەن اينالىسادى.