بۇگىن ۇلتتىق ارنادان «مەن قازاقپىن» حالىقارالىق مەگاجوباسى كورسەتىلەدى دەپ جازادى Qamshy.kz.

بۇل جوبا تەك وسى تەلەارنا عانا ەمەس، بۇكىل ەل كوپتەن كۇتكەن ونەر دوداسى. سەبەبى «مەن قازاقپىن» جوباسىنىڭ ماقساتى اتادان بالاعا مۇرا بولىپ كەلە جاتقان ءتول ونەرىمىز ءداستۇرلى ان-كۇي،  تەرمەلەردى ودان ءارى دامىتىپ، بۇگىنگى كۇن تالابىنا ساي تۇرلەندىرە وتىرىپ، وسكەلەڭ ۇرپاققا ناسيحاتتاۋ بولىپ تابىلادى. سوندىقتان، تاربيەلىك ءمانى زور جوبانى قولعا الىپ، «Qazaqstan» ارناسى ونى ىسكە اسىرا باستادى. بۇگىن ساعات 20:50 دە «مەن قازاقپىن» حالىقارالىق مەگاجوباسىنىڭ ءبىرىنشى كورسەتىلىمى بولادى. ەفيردەن الىستاماڭىزدار!

ايتا كەتسەك، جوبانىڭ ماقساتى – ءداستۇرلى ءانشى، تەرمەشى، كۇيشىلەردى، ەلىمىزدىڭ ءار ايماعىندا قالىپتاسقان ونەر مەكتەبىنىڭ وكىلدەرىن كەڭىنەن دارىپتەۋ، تاڭداۋلى تۋىندىلاردى وسكەلەڭ ۇرپاققا زامانۋي فورماتتا ناسيحاتتاۋ.

بايقاۋعا رەسەي، قحر جانە موڭعولياداعى قازاق ونەرپازدارى قاتىسۋعا مۇمكىندىك الدى. جوبا اياسىندا وڭىرلەردىڭ ان-كۇيىمەن قاتار، تاريحي-مادەني ەسكەرتكىشتەرى، مۇراجايلارى، ەل ىشىندەگى ونەرپازدار مەن قولونەر شەبەرلەرى تۋرالى ءتۇسىرىلىم جاسالىپ، ءار وبلىستىڭ جەتىستىگى كەڭىنەن كورسەتىلەدى.

بايقاۋلار قورىتىندىسى بويىنشا تاۋەلسىزدىك كۇنى قارساڭىندا ەلوردادا گالا-كونسەرت ۇيىمداستىرىلاتىن بولادى.

ەسكە سالساق، اقپارات جانە كوممۋنيكاسيالار ءمينيسترى داۋرەن ابايەۆ اتالعان جوباعا قولداۋ ءبىلىدىرىپ، «مەن جوبانىڭ قىمبات بولعانىن قالايمىن. ەگەر مۇمكىندىك بولىپ جاتسا، دەمەۋشىلەردى تارتۋعا بولادى. مەن «قازاقستان» ۇلتتىق تەلەكورپوراسياسىنىڭ وسى جوبانى تولىقتاي الىپ شىعاتىنىنا سەنىمدىمىن»، - دەگەن ەدى.