ەكسپو-2017 حالىقارالىق مامانداندىرىلعان كورمەسى اياسىندا گوندۋراس رەسپۋبليكاسىنىڭ ۇلتتىق كۇنى اتاپ ءوتىلدى دەپ حابارلايدى Qamshy.kz اقپارات اگەنتتىگى. گوندۋراس مەملەكەتى تىنىق جانە اتلانت مۇحيتى ارالىعىندا جولدى جاقسارتا، اۋە جانە جۇك تاسىمالىمەن، بىلىكتى ماماندارمەن ورتالىق امەريكادا لوگيستيكا ورتاسىنا اينالۋدى. بۇل تۋرالى ءىس-شارا بارىسىندا گوندۋراس سىرتقى ىستەر جانە حالىقارالىق ىنتىماقتاستىق ءمينيسترى دولورەس اگۋەرو لارا ماريا مالىمدەدى.

ونىڭ ايتۋىنشا، مەملەكەت جاڭعىش ەنەرگيانى قولدانۋدى ازايتۋ ماسەلەلەرىن شەشۋدە ۇلكەن جۇمىس اتقارۋدا. مەملەكەت جاڭعىش ەنەرگيانى جاڭارتىلاتىن ەنەرگيا كوزدەرىنە الماستىرۋدا. «بولاشاق ەنەرگياسى» كورمە تاقىرىبى جاھاندىق جىلىنۋ جانە كليماتتىق وزگەرىس ورىن العان زاماندا ەلەۋلى ماسەلەلەردىڭ قاتارىنا كىرەدى.

«1992 جىلى ريوداعى جەر سامميتىنەن باستاپ كليماتتىق وزگەرىس بويىنشا حالىقارالىق شارالار قولدانىلۋدا. 2015 جىلى پاريجدە وتكەن كليمات وزگەرىسى جونىندەگى كونفەرەنسياسىندا ادامزاتتىڭ اتموسفەراعا پارنيكتىك گازداردىڭ شىعارىلىمىن تۇراقتاندىرۋ قاجەتتىلىگى اتاپ ءوتىلدى. مەملەكەتىمىزدە پارنيكتىك گاز شىعارىلىمىنىڭ ۇلەسى از، الايدا 1996-2015 جىل ارالىعىندا كليماتتىق وزگەرىستەردىڭ جاھاندىق قاۋىپتەرى كورسەتكىشى بويىنشا ەلىمىز الەم بويىنشا وسال مەملەكەتتەردىڭ قاتارىندا بولدى. بۇگىن، بارشامىز، ۇلتتار مەن حالىقتار بىر-بىرىمىزگە تاۋەلدىلىگىمىزدى تۇسىنە، ءوزىمىزدى جانە بولاشاق ۇرپاقتى جارقىن الەممەن قامتاماسىز ەتۋ ءۇشىن ءوزارا ءتيىمدى ارەكەتتەسۋىمىز قاجەت»، - دەپ دولورەس اگۋەرو لارا ماريا حابارلادى.

قازاقستان رەسپۋبليكاسى دەنساۋلىق ساقتاۋ ءمينيسترىنىڭ ورىنباسارى الەكسەي سوي ءوز كەزەگىندە ەكسپو-2017 كورمەسى ەكى جاقتى قاتىناستىڭ نىعايۋىنا مۇمكىندىك بەرەتىندىگىن اتاپ ءوتتى.

«قازاقستان ساياسي، ەكونوميكالىق، عىلىمي-تەحنيكالىق جانە مادەني سالالالاردا، سونداي-اق دەنساۋلىق ساقتاۋ، اتاپ ايتقاندا، مەديسينالىق ساقتاندىرۋ جانە تۋريزم سالالارىندا ىنتىماقتاستىقتى نىعايتۋعا مۇددەلى. قازاقستان جانە گوندۋراس رەسپۋبليكاسى اراسىنداعى ديپلوماتيالىق قارىم-قاتىناس 1995 جىلى 28 قاراشادا ورناتىلدى. گوندۋراس رەسپۋبليكاسىنىڭ ەكسپو-2017 كورمەسىنە قاتىسۋى ەلدەرىمىز اراسىنداعى ەكى جاقتى ءوزارا ءتيىمدى ىنتىماستىقتىقتى نىعايتۋعا مۇمكىندىك بەرەتىنىنە كامىل سەنەمىن»، - الەكسەي سوي دەپ باياندادى.

گوندۋراس رەسپۋبليكاسى - كۇن ەنەرگەتيكا ۇلەسى بويىنشا الەمدەگى جەتەكشى ەل. ENEE گوندۋراس مەملەكەتتىك ەنەرگەتيكالىق كومپانياسىنىڭ ستاتيستيكالىق مالىمەتتەرى بويىنشا 2016 جىلى مەملەكەتتە ەلەكتر ەنەرگيانىڭ 10،2% فوتوەلەكترلى كۇن ەلەكتر ستانسيالارىندا ءوندىرىلدى. بۇل الەمدىك كورسەتكىش بويىنشا رەكوردتىق ناتيجە.