گەرمانيانىڭ گامبۋرگ قالاسىندا وتكەن 2017 جىلعى بوكستان الەم چەمپيوناتىنا قاتىسقان قازاقستان كومانداسى 4 قىركۇيەك كۇنى تاڭدا استاناعا كەلىپ قوندى، دەپ حابارلايدى Qamshy.kz اقپارات اگەنتتىگى قبف باسپا ءسوز قىزمەتىنىڭ مالىمەتىنە سۇيەنىپ.

ءبىزدىڭ سپورتشىلار 6 مەدال ولجالادى. جالعىز التىن مەدالدى شىمكەنتتىك ورەن قايرات ەرالييەۆ ەنشىلەدى.

«وليمپيادادان كەيىن بوكس قۇراماسى 70 پايىز جاڭاردى. سول سەبەپتى وتە جاقسى ونەر كورسەتتىك، - دەيدى ۇلتتىق قۇرامانىڭ باس باپكەرى مىرزاعالي ايتجانوۆ الەم بىرىنشىلىگىن قورىتىندىلاي. - جۇمىس ىستەيتىن تۇستار دا بار، ءبىراق ءبىزدىڭ قوسالقى قۇرام وتە مىقتى. توكيوعا كىلەڭ شىڭدالعان جىگىتەردەن جاساقتالعان قۇراممەن بارامىز. وندا ءبىر ەمەس، ەكى-ۇش التىن مەدال الامىز».

قايرات ەرالييەۆتىڭ التىن مەدالىنەن باسقا، ءابىلحان امانقۇلوۆ پەن قامشىبەك قوڭقابايەۆ ەكى كۇمىس ەنشىلەدى. ال ۆاساليي ليەۆيت، جومارت ەرجان جانە ابىلايحان جۇسىپوۆتەر قولانى قاناعات تۇتتى.