پارلامەنت پالاتالارى مۇشەلەرىنىڭ الدىندا ءسوز سويلەگەن قازاقستان پرەزيدەنتى دەپۋتاتتاردىڭ وتكەن سەسسياداعى قىزمەت ناتيجەلەرىنە توقتالىپ، ەلىمىزدەگى رەفورمالاردى زاڭنامالىق تۇرعىدان قامتاماسىز ەتۋ جونىندەگى جۇمىستاردى جالعاستىرۋدىڭ ماڭىزدىلىعىن اتاپ ءوتتى دەپ حابارلايدى Qamshy.kz اقپارات اگەنتتىگى اقوردا باسپا ءسوز قىزمەتىنە سىلتەمە جاساي وتىرىپ.

– وتكەن سەسسيادا پارلامەنت 84 زاڭ جوباسىن قاراپ، قابىلدادى. سونىڭ ىشىندە «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ دا بار. ءبىر جىلدا سىزدەردىڭ باستامالارىڭىزبەن 15 زاڭ جوباسى ازىرلەندى، – دەدى ەلباسى.

نۇرسۇلتان نازاربايەۆ جۇرگىزىلگەن ساياسي رەفورمالاردىڭ ناتيجەلەرىنە نازار اۋدارىپ، بۇكىل مەملەكەتتىك اپپاراتتىڭ الدىنا قويىلعان مىندەتتەردى ىسكە اسىرۋدا پارلامەنت پەن ۇكىمەتتىڭ جاۋاپكەرشىلىگى جوعارى ەكەنىن ايتتى.

– قازاقستان بۇگىندە ستراتەگيالىق ماڭىزى بار ءبىرقاتار مىندەتتى جۇزەگە اسىرۋدا. پارلامەنت ۇكىمەتپەن بىرلەسىپ، ۇلت جوسپارىن، جولداۋدى جانە قولدانىستاعى باعدارلامالاردى ورىنداۋ ءۇشىن بارلىق شارالاردى قابىلداۋى قاجەت، – دەدى مەملەكەت باسشىسى.

قازاقستان پرەزيدەنتى قوعامدى دامىتۋدىڭ جەكەلەگەن باعىتتارىنا توقتالدى. ەلباسى رۋحاني جاڭعىرۋ جانە ەكونوميكالىق ءوسىمدى قامتاماسىز ەتۋ جونىندەگى مىندەتتەردىڭ ورىندالۋىنا نازار اۋداردى.

– بيىل پارلامەنتتىڭ قاراۋىنا جاڭا سالىق كودەكسىنىڭ جوباسى ەنگىزىلەدى. ءبىز سالىق ساياساتىن مەيلىنشە جاقسارتىپ، بيزنەستى اشىق جۇمىس جاساۋعا ىنتالاندىرۋعا ءتيىسپىز. ارنايى ەكونوميكالىق جانە يندۋستريالىق ايماقتار جونىندەگى زاڭنامانى جەتىلدىرۋ كەرەك. سونداي-اق، بانكتەرگە ءتيىمدى باقىلاۋ جۇرگىزۋ ءۇشىن ۇلتتىق بانككە زاڭنامالىق تۇرعىدان كوبىرەك مۇمكىندىك بەرۋ قاجەت، – دەدى نۇرسۇلتان نازاربايەۆ.

سونىمەن بىرگە، مەملەكەت باسشىسى ساقتاندىرۋ جۇيەسىن دامىتۋ جانە دارى-دارمەك اينالىمىن تارتىپكە كەلتىرۋ، سونداي-اق ەلىمىزدىڭ اقپاراتتىق قاۋىپسىزدىگىن قامتاماسىز ەتۋ جانە قۇقىق قورعاۋ جۇيەسىن رەفورمالاۋ ماسەلەلەرىنىڭ ماڭىزدىلىعىن اتاپ ءوتتى.

– پارلامەنتتىڭ جانە بۇكىل ەلىمىزدىڭ الدىندا جاۋاپكەرشىلىگى مول كوپ جۇمىس بار. اۋقىمدى مىندەتتەر مەن شەشىمدەر – ءبىزدىڭ 2017 جىلعى جاھاندىق سىن-قاتەرلەرگە جاۋابىمىز. جاڭعىرۋ بارلىق كۇشىمىزدى جۇمىلدىرۋدى قاجەت ەتەدى. جاڭا جاعدايدا بيلىكتىڭ زاڭ شىعارۋ جانە اتقارۋشى تارماقتارى سىندارلى تۇردە ىنتىماقتاسۋعا ءتيىس، – دەدى قازاقستان پرەزيدەنتى.

مەملەكەت باسشىسىنىڭ پارلامەنتتىڭ ءۇشىنشى سەسسياسىنىڭ اشىلۋىندا سويلەگەن ءسوزىنىڭ تولىق ءماتىنىن مىنا جەردەن قاراڭىز.