2017 جىلعى 3 قىركۇيەكتە كورەي حالىق-دەموكراتيالىق رەسپۋبليكاسىنىڭ ۇكىمەتى سۋتەك بومباسىنا سىناق وتكىزگەنى تۋرالى حابارلادى دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيسترلىگىنە سىلتەمە جاساي وىرىپ.
وسى ورايدا، قازاقستان كحدر-دىڭ بۇل ارەكەتتەرى مۇلدە قولايسىز ەكەنىن جانە بۇۇ قاۋىپسىزدىك كەڭەسىنىڭ قارارلارىن ورەسكەل بۇزاتىنىن اتاپ ءوتىپ، وسى سىناقتى باتىل تۇردە ايىپتايتىندىعى تۋرالى مالىمدەيدى.
يادرولىق سىناقتارعا جان-جاقتى تىيىم سالۋ تۋرالى شارتتىڭ ءحىV بابى بويىنشا 9-شى كونفەرەنسياعا جاپونيامەن بىرلەسىپ تەڭ ءتوراعالىق ەتە وتىرىپ، قازاقستان كحدر-دىڭ بۇل ىس-ارەكەتتەرى دۇنيەجۇزىلىك قاۋىمداستىقتىڭ يادرولىق قارۋدى جويۋ مەن ونى تاراتپاۋ ءتارتىبىن كۇشەيتۋگە ۇمتىلعان كۇش-جىگەرىنە، سونىمەن قاتار بۇكىل الەم مەن كورەي تۇبەگىنە جانە جالپى سول وڭىرگە اۋىر ءقاۋىپ ءتوندىرىپ وتىر دەپ ەسەپتەيدى.
قازاقستان الەمدە يادرولىق سىناقتارعا تولىق تىيىم سالىنۋىن قولداي وتىرا، سولتۇستىك كورەيانى يادرولىق شامدانۋشىلىقتان باس تارتۋعا جانە يادرولىق پروبلەما بويىنشا كوپجاقتى كەلىسسوزدەرگە دەرەۋ قايتا ورالۋىنا شاقىرادى.
