الماتىدا بيىل العاش رەت 28 وقۋ نىساندارىن سەيسميكالىق نىعايتۋ جۇمىcتارى جۇرگىزىلۋدە، دەپ حابارلايدى Qamshy.kz اقپارات اگەنتتىگى. ولار - 22 مەكتەپ پەن التى بالا باقشا.
بيىل ەكى مەكتەپ پەن التى مەكتەپ جاسىنا دەيىنگى بالالار مەكەمەلەرى سالىنادى، سونىمەن قاتار التى مەكتەپ پەن ءبىر بالاباقشانى قايتا جاساۋ جانە ولاردىڭ جانىنان قوسالقى نىساندار سالۋ قاراستىرىلعان. الماتى اكىمى باۋىرجان بايبەك جۇمىس ساپارى بارىسىندا سەيسميكالىق نىعايتۋ، كۇردەلى جوندەۋ جۇمىستارى وتكەن قالاداعى ءبىرقاتار مەكتەپتەر مەن بالاباقشالاردى ارالاپ كوردى.
قازىرگى كەزدە №71، №106، №53، №63 ءتورت مەكتەپتە جانە №69 ي №80 ەكى بالاباقشادا سەيسميكالىق نىعايتۋ جۇمىستارى اياقتالعان. قىركۇيەكتە №10 مەكتەپتە جانە №77، №82 ەكى بالاباقشادا جۇمىستاردى اياقتاۋ جوسپارلانعان. قۇرىلىس باسقارماسىنىڭ مالىمەتى بويىنشا №187، №192، №4، №162، №19، №118، №101 جەتى مەكتەپتە جۇمىستار قازان ايىندا، ال №20، №104، №130، №94، №21، №110 التى مەكتەپتە قاراشادا، «ءۇمىت ءۇيى» مەن №46 مەكتەپتە جۇمىستار جەلتوقسان ايىندا اياقتالادى.
قالادا مەكتەپ جاسىنا دەيىنگى جەتى بالالار مەكەمەلەرىندە قۇرىلىس جۇمىستارى جۇرۋدە. مىسالى، №110 مەكتەپ جانىندا بالاباقشا سالىنادى، №6 بالاباقشا جانىنداعى قوسالقى نىساننىڭ قۇرىلىسى بىتەدى. كەلەر جىلى №184، №185 مەكتەپتەر جانىنداعى بالاباقشالار، ناۋرىزباي جانە الاتاۋ اۋداندارىندا ءارقايسىسى 320 ورىندى ءۇش بالاباقشا پايدالانۋعا بەرىلەدى.
ءبىلىم بەرۋدىڭ سەگىز نىسانىندا قۇرىلىس-مونتاج جۇمىستارى جۇرۋدە. جىل اياعىنا دەيىن №77 جانە №156 مەكتەر جانىنداعى قوسالقى نىساندار قۇرىلىستارى اياقتالادى. 2018 جىلى ناۋرىزباي اۋدنىندا 1200 ورىندى، الاتاۋ اۋدانىندا 600 ورىندى مەكتەپتەر، №1 پەداگوگيكالىق كوللەدج بەن №151، №185 جانە باسقالارى جانىنان قوسالقى نىساندار ىسكە قوسىلادى.
ايتا كەتەرلىگى، سوڭعى 5 جىل ىشىندە قالادا 15 مىڭ ورىندى 280 بالا باقشا، 14 مىڭ ورىندى 12 مەكتەپ اشىلدى. تەك وتكەن جىلى عانا جەرگىلىكتى بيۋدجەت ەسەبىنەن 500 ورىندى 4 بالا باقشا ىسكە قوسىلدى. «شاڭىراق»، «قالقامان» ىقشام اۋداندارىندا مەكتەپتەر جانىنا 1800 ورىندى قوسالقى نىساندار سالىندى.
مەملەكەتتىك – جەكە ارىپتەستىك اياسىندا 2016 جىلى جەكە قارجىلار ەسەبىنەن 5،7 ورىندى 175 بالاباقشالار مەن ميني-ورتالىقتار اشىلدى. 2017 جىلى 200 ورىندى 57 جەكە بالا باقشا پايدالانۋعا بەرىلدى. بيزنەس تاراپىنان جاسالعان قولداۋ ارقاسىندا 14 ملرد. تەڭگە بيۋدجەت قارجىسى ۇنەمدەلدى.
قالاقۇرىلىس كەڭەسىندە تۇرعىن كەشەنىن سالۋ ماسەلەسى قارالعاندا بالا باقشالار مەن مەكتەپتەرگە ايرىقشا نازار اۋدارىلادى. سوڭعى 2 جىل ىشىندە ينۆەستورلار ەسەبىنەن 7 مىڭ ورىندى 54 بالاباقشا سالۋ جونىندە شەشىم قابىلدانعان. 3 مىڭ ورىندى 24 بالاباقشا كوممۋنالدىق مەنشىككە بەرىلەدى. وسىنىڭ ارقاسىندا بيۋدجەتتىڭ 24 ملرد. تەڭگە قارجىسى ۇنەمدەلدى.
الماتىدا «جاستار جىلى» جاريالانعان سوڭ جول كارتاسى جاسالدى. ناتيجەسىندە 2 مىڭ ورىندى 4 جاتاقحانا سالۋ جوسپارلاندى. 1200 ورىندى تاعى ءبىر جاتاقحانانىڭ قۇجاتتارى دايىندالۋدا. تۇرعىنۇيقۇرىلىسبانكىمەن بىرگە جاستاردىڭ جەڭىلدەتىلگەن زاەم ارقىلى جاڭا پاتەر الۋىنا مۇمكىندىك بەرەتىن ەرەكشە باعدارلاما جاسالدى.
