دەپۋتاتتار الماتى وبلىسى اكىمىنىڭ جۇمىسىنا قاناعاتتانارلىق دەگەن باعا بەردى. بۇل تۋرالى بۇگىن وتكەن وبلىستىق ءماسليحاتتىڭ XXI سەسسياسىندا بەلگىلى بولدى.

كۇن تارتىبىندەگى باستى سۇراق – وبلىس اكىمىنىڭ وبلىستىق ءماسليحات دەپۋتتارىنىڭ الدىندا وتكەن 7 ايدا اتقارىلعان جۇمىستاردىڭ قورىتىندىسى بويىنشا ەسەپ بەرۋى بولدى.

وبلىس اكىمى اماندىق باتالوۆتىڭ سوزىنە سۇيەنەر بولساق، جەرگىلىكتى اتقارۋشى ورگانداردىڭ ەسەپ بەرۋ كەزەڭىندەگى جۇمىسى نەگىزىنەن مەملەكەت باسشىسىنىڭ تاپسىرمالارى مەن بەلگىلەنگەن مەجەگە جەتكىزەتىن ماقساتتىق ينديكاتورلاردى ورىنداۋعا باعىتتالدى. اتقارىلعان جۇمىستاردىڭ ناتيجەسىندە وبلىستىڭ 7 ايداعى الەۋمەتتىك-ەكونوميكالىق دامۋىندا ءوسىم بايقالادى. نەگىزگى سالالار بويىنشا كورسەتكىشتەردىڭ جاقسارۋىنا بايلانىستى ەكونوميكانىڭ ءوسىمى 2 % جىلدىق بولجاممەن سالىستىرعاندا 2،8 % قۇرادى. اتاپ ايتار بولساق، ونەركاسىپتىك ءوندىرىس كولەمى 4،3% ءوسىپ، 396 ملرد. تەڭگەگە جەتتى. 32 جاڭا كاسىپورىندى ىسكە قوسۋ مەن جۇمىس جاساپ تۇرعان ءوندىرىس ورىندارىن كەڭەيتۋدىڭ ارقاسىندا قوسىمشا 867 جۇمىس ورنى اشىلدى. يندۋستريالاندىرۋ كارتاسى بويىنشا بۇعان دەيىن ىسكە اسىرىلعان 51 جوبانىڭ 43ء-ى ءوزىنىڭ جوسپارلى قۋاتىنا شىقتى. قازىرگى ۋاقىتتا قالعان كاسىپورىنداردى تولىق قۋاتىنا جەتكىزۋ باعىتىندا جۇمىستار جۇرگىزىلۋدە.

سونىمەن قاتار، ءوڭىر باسشىسى ۇلت جوسپارىنىڭ 55-56 قادامدارىن ىسكە اسىرۋ اياسىندا وبلىسقا 7 ترانسۇلتتىق كومپانيالار تارتىلدى. وسى جوبالاردى ىسكە اسىرۋ ارقىلى وڭىرىمىزگە 160 ملرد. تەڭگە ينۆەستيسيا تارتىلىپ، قوسىمشا 2 000 جۇمىس ورنى اشىلاتىن بولادى. جالپى اعىمداعى جىلدىڭ 7 ايىندا وبلىسقا 205،9 ملرد. تەڭگە ينۆەستيسيا تارتىلدى. «نۇرلى جول» جانە «نۇرلى جەر» باعدارلامالارىن ىسكە اسىرۋ سونداي-اق، ونەركاسىپ، اگروونەركاسىپتىك كەشەن، گازداندىرۋ، ەنەرگەتيكا سالالارى بويىنشا بىرنەشە جوبالاردى جۇزەگە اسىرۋدىڭ ناتيجەسىندە جىل سوڭىنا دەيىن بۇل كورسەتكىش 537 ملرد. تەڭگەگە ارتادى دەپ كۇتىلۋدە.

وسىدان كەيىن ءوڭىر باسشىسى ا. باتالوۆ اۋىلشارۋاشىلىعى، الەۋمەتتىك سالا، تۋريزم، شاعىن جانە ورتا بيزنەستى قولداۋ، ينفراقۇرىلىمدى دامىتۋ، تۇرعىن ءۇي قۇرىلىسى، گازداندىرۋ جانە وزگە دە ماڭىزدى سالالار مەن باعىتتار بويىنشا جەتىستىكتەردى اتاپ ءوتتى.

بايانداما بارىسىندا «رۋحاني جاڭعىرۋ» باعدارلاماسىن جۇزەگە اسىرۋ جانە وسى باعدارلاما نەگىزىندە ىسكە اسىرىلىپ جاتقان جوبالارعا ۇلكەن كوڭىل ءبولىندى.

وبلىس اكىمىنىڭ بايانداماسىن تىڭداپ بولعاننان كەيىن، دەپۋتتار جارىسسوزگە كوشتى. ءسوز سويلەپ، پىكىر بىلدىرگەندەر قاتارىندا وبلىستىق ءماسليحاتتىڭ دەپۋتاتتارى ەرمەك كەلەمسەيىت، راحات ىبرايىموۆا جانە جانكەلدى وسان بولدى.

ءجارىسسوزدىڭ قورىتىندىسى بويىنشا دەپۋتتار ءبىر اۋىزدان وبلىس اكىمىنىڭ وتكەن مەرزىم ارالىعىندا اتقارعان جۇمىسىن قاناعاتتانارلىق دەپ باعالادى.