الماتىدا تابىلعان ءمايىت وسىدان ءبىر اي بۇرىن ءىز-تۇسسىز جوعالىپ كەتكەن 18 جاستاعى نازەركە ءارىپتىڭ دەنەسى بولۋى مۇمكىن، دەپ جازادى Qamshy.kz اقپارات اگەنتتىگى. بۇل تۋرالى نازەركەنىڭ جاقىن تۋىستارى حابارلاعان. ولاردىڭ ايتۋىنشا، بۇگىن جەرلەۋ ءراسىمى ءوتىپ جاتىر.
الماتى ءىىد حابارلاۋىنشا، قىزدىڭ دەنەسى ساراپتاماعا جىبەرىلگەن. «ساراپتامانىڭ تولىق ناتيجەسى شىقپاي تۇرىپ، ىزدەۋدى توقتاتىپ قويۋعا ءالى ەرتە. ءبىز ناتيجەسىن كۇتىپ وتىرمىز»، - دەدى الماتى ءىىد ارنايى وكىلى سالتانات ازىربەك Tengrinews.kz تىلشىسىنە.
ەسكە سالساق، ءارىپ نازەركە دارحان قىزى 10 شىلدە كۇنى ساعات 13.40-تا تالعار اۋدانى تۇزدىباستاۋ اۋىلىنداعى ۇيىنەن شىعىپ كەتىپ، قايتا كەلمەگەن.
بيىل بويجەتكەن مەكتەپ ءبىتىرىپ، ۇبت-دان 100 بالل العان. ءارى مەديسينا مامانى بولۋدى ارمانداعان.
