شىمكەنتتەگى ۆوروشيلوۆكا اۋىلى ەسىرتكى بيزنەسىنىڭ ورداسىنا اينالعان. پوليسەيلەر وسى اۋىلدى تەكسەرۋ بارىسىندا ەسىرتكىنىڭ اۋىر ءتۇرى – گەروين ساتۋشىلاردى قولعا ءتۇسىردى، دەپ حابارلايدى Qamshy.kz اقپارات اگەنتتىگى قازاقستان-شىمكەنت تەلەارناسىنا سىلتەمە بەرىپ.
پاكەتكە سالىنعان 8 گرامم اق ۇنتاق پەن ايعاقتى زات رەتىندەگى قوماقتى قارجى ءۇي يەلەرىنىڭ كورپە-توسەكتەرى ىشىنەن تابىلدى.
شىمكەنت قالاسى ۆوروشيلوۆكا ەلدى مەكەنىندە 1986 ج تۋىلعان گ.ەسىمدى ازاماتشاسى ەسىرتكى زاتىن ساتتى دەگەن كۇدىكپەن ءۇيىن تەكسەرگەندە 4 پوليەتيلەن پاكەتپەن ەسىرتكىگە ۇقساس زات تاركىلەندى. سوت ساراپتاماسى ناتيجەسىندە 4 گرامم جۋىق زاتتىڭ ەسىرتكى زاتى گەروين ەكەنى انىقتالدى. سونىمەن قاتار سول ۇيدە ۇستالعان ر ەسىمدى ازاماتتىڭ قالتاسىن تەكسەرگەندە دە 4 گرامم گەروين تابىلدى.
ۇستالعاندارعا قاتىستى ق ر قىلمىستىڭ كودەكسىنىڭ 296 جانە 297 باپتارى بويىنشا ايىپ تاعىلدى. تەرگەۋ امالدارى جۇرگىزىلۋدە.
