بەنزيننىڭ تاپشىلىعى جەزقازعان، ساتپايەۆ جانە ۇلىتاۋدا ورىن الدى. جانارماي قۇيۋ بەكەتتەرىندە ورىن العان تاپشىلىعىن، جاۋاپتى شەنەۋنىكتەر مۇناي وڭدەۋ زاۋىتتارىنىڭ ەكەۋى بىردەي جوسپارلى تۇردە جوندەۋ جۇمىستارىنا جابىلۋى دەپ ءتۇسىندىرىپ، تەز ارادا جاعدايدى دۇرىستاۋعا ۋادە بەردى.

الايدا، وسى ارادا تاعى دا قوسىمشا مالىمەتتەرگە سايكەس بەنزين نارىعىنىڭ ەكسپەرتتەرى ەلدە جانارماي تاپشىلىعى ورىن الىپ، باعانىڭ قىمباتتاۋىن بولجايدى.  بۇل تۋرالى Qamshy.kz اقپارات اگەنتتىگى sputniknews.kz مالىمەتىنە سۇيەنىپ حابارلايدى. 

"قازاقستاندا بەنزين "ەركىن اينالىمعا" تۇسكەلى بەرى جانارماي باعاسىن نارىق بەلگىلەيدى، مەملەكەتتىڭ بۇل ماسەلەگە قاتىسى جوق. سوندىقتان ولار بەنزيننىڭ قىمباتتاۋىنا تۇسىنىكتەمە بەرمەيدى"، — دەيدى مۇناي-گاز سالاسىنىڭ ەكسپەرتى، ەكونوميست سەرگەي سميرنوۆ. 

— ادەتتە قازاقستاندا بەنزين جىلىنا ەكى رەت قىمباتتايدى – كوكتەمدە جانە كۇزدە جانە وسىعان وراي كوپتەگەن ەكسپەرتتەر مۇنى ماۋسىمدىق فاكتور دەپ تۇسىندىرەدى. وسىعان دەيىنگى قىمباتتاۋ كوكتەمدە ورىن العان ەدى…

— … ال ءقازىر كۇز مەزگىلى – استىق جيناۋ، دەمالىستان قايتۋ، ماشيناسى بار ستۋدەنتتەردىڭ وقۋعا ورالۋ… سۇرانىس ارتقان كەزدە – باعا دا وسەدى. 

— ياعني، شىن مانىندە نارىقتاعى ورىن العان جاعداي جانارمايدىڭ قىمباتتاۋىنا اكەلەتىن سەبەپتەرى بار ما؟

— قازاقستاندا ونداي سەبەپتەر ۇنەمى بولادى. ءبىراق، مەنىڭ ويىمشا ەڭ باستى سەبەپ ماۋسىمدىق بولىپ تابىلادى. دەگەنمەن، جانارماي باعاسى ينفلياسيانىڭ قۋىپ جەتۋدە: جىلدىڭ باسىنان بەرى بەنزين ورتا ەسەپپەن العاندا 4،3%،  ديزەل – 11،1%  قىمباتتادى. ال، رەسمي ينفلياسيا مالىمەتتەرىنە سايكەس 6-8% ارالىعىن قۇرايدى.