ورتالىق كوممۋنيكاسيالار قىزمەتىندە ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى تالعات مۇساقانوۆتىڭ قاتىسۋىمەن باسپا ءسوز كونفەرەنسيا ءوتتى دەپ حابارلايدى Qamshy.kz اقپارات اگەنتتىگى ق ر ءىىم باسپا ءسوز قىزمەتىنە سىلتەمە جاساپ. 

قوعامدىق ءتارتىپتى كۇزەتۋ جانە جول قوزعالىسى قاۋىپسىزدىگىن قامتاماسىز ەتۋ ىشكى ىستەر ورگاندارى قىزمەتىنىڭ باسىم باعىتتارىنىڭ ءبىرى.

قازاقستان رەسپۋبليكاسىنداعى 2014-2015 جىلدارعا ارنالعان قۇرىلىمدىق رەفورمانى ىسكە اسىرۋ باعىتىندا ازىرلەنگەن جول كارتاسىن ورىنداۋ اياسىندا جول-پاترۋلدىك پوليسيانىڭ ساپتىق بولىمشەلەرى بيىلعى  جىلدىڭ 1 قاڭتارىنان باستاپ الا تاياقتاردى قولدانبايتىن بولدى.

جول قوزعالىسىن رەتتەۋشى پوليسيا قىزمەتكەرىن جانە ونىڭ قولمەن بەرگەن بەلگىلەرىن جۇرگىزۋشىلەر مەن جاياۋ جۇرگىنشىلەر انىق كورۋى ءۇشىن تەحنيكالىق نۇسقاۋلىقتار، ۇلگىلەر قايتا قارالىپ، سيگنالدى جيلەتتەر، قولعاپتار (قىسقى، جازعى)، جارىق شاعىلىستىراتىن جولاقتارى بار سارى ءتۇستى جەڭدەگى بۇكتەمەلەر اۋماقتاردعى ىىد-تەرىنە ۇلگى رەتىندە جولداندى.

باقىلاۋدى كۇشەيتىپ، زاڭدىلىقتى قامتاماسىز ەتۋ ءۇشىن ءىىم جەرگىلىكتى اتقارۋشى ورگاندارمەن بىرگە 2014 جىلدان بەرى جول-پاترۋلدىك پوليسيا جاساقتارىن بەينەتىركەۋىشتەرمەن جابدىقتاۋ جۇمىستارىن بەلسەندى جۇرگىزىپ كەلەدى.

بيىلعى جىل باسىنان بەرى جالپى ەلىمىز بويىنشا بەينەتىركەۋىشتەردىڭ كومەگىمەن 100 مىڭنان استام قۇقىق بۇزۋشىلىق تىركەلدى، ونىڭ 1 مىڭنان استامى قىلمىستىق ىستەر.

وسىنداي بەينەتىركەۋىشتەگى جازبالار كۇدىكتىنىڭ كىناسىن دالەلدەۋدە ايعاق رەتىندە پايدالانىلادى، سونداي-اق بۇل تەحنيكالىق قۇرال پوليسيا قىزمەتكەرىنىڭ كۇنى بويىعى بارلىق ارەكەتىن دە تىركەۋگە الادى. وسىلايشا بەينەتىركەۋىش پوليسيا قىزمەتكەرىن دە، قۇقىق بۇزۋشىنى دا تارتىپكە بەيىمدەيدى.

جەدەل باسقارۋ ورتالىقتارىنداعى بەينەباقىلاۋ كامەرالارى جەلىسىن كەڭەيتۋ جانە جاڭعىرتۋ باعىتىندا ءتيىستى شارالار اتقارىلۋدا.

پوليسيا قىزمەتىنىڭ ايقىندىعى مەن اشىقتىعىن جاقسارتۋ جانە جەمقورلىقتى تومەندەتۋ ماقساتىندا قازىرگى ۋاقىتتا ارنايى بوياۋلارمەن ايشىقتالعان، جارىق جانە دىبىس سيگنالدارىمەن جابدىقتالعان جول-پاترۋلدىك پوليسيانىڭ پاترۋلدىك اۆتوكولىكتەرىنىڭ ارتقى جانە جانىنداعى تەرەزەلەرىن قاراڭعىلاۋعا تىيىم سالىندى.