اقش پروكۋراتۋراسى تۇركيانىڭ بۇرىنعى ەكونوميكا ءمينيسترى جانە مەملەكەتتىك Halkbank كومپانياسىنىڭ بۇرىنعى باسشىسى زافەر چاگلاياندى بۇۇ-نىڭ يرانعا قارسى سانكسيالارىن بۇزۋعا تالپىندى دەپ ايىپتادى. تەرگەۋ دەرەگىنە قاراعاندا، ول امەريكالىق بانكتەر ارقىلى يران ۇكىمەتى مەن مەملەكەتتىك مەكەمەلەرى ەسەبىنە جۇزدەگەن ميلليون دوللار جولداعىسى كەلگەن، دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
چاگلاياندى قولما-قول اقشامەن جانە باعالى زاتتارمەن پارا العان، اقشانىڭ ءىزىن جاسىرعان جانە قارجىعا قاتىستى الاياقتىق جاسادى دەپ ايىپتالدى.
مۇنداي ايىپتار تۇركيانىڭ بۇرىنعى ۇكىمەت مۇشەسىنە العاش مارتە تاعىلىپ وتىر. چاگليان تۇركيا پرەزيدەنتى رەجەپ ەردوعاننىڭ سەنىمدى ادامدارىنىڭ ءبىرى رەتىندە تانىمال.
بۇرىنعى مينيستر امەريكالىق قۇقىققورعاۋ ورگاندارىنىڭ نازارىنا يراندىق التىن ساتۋشى رەزا زاررابقا قارسى قىلمىستىق ءىسى ارقىلى شىققان. ونى دا اقش يرانعا قارسى سانكسيالاردى اينالىپ وتكىسى كەلدى دەپ ايىپتاپ وتىر.
