9 قىركۇيەك كۇنى الماتىداعى احمەت بايتۇرسىن ۇلى مۋزەي-ۇيىندە ۇلت ۇستازى احمەت بايتۇرسىن ۇلى تاعىلىم ءۇيىنىڭ قالىپتاسۋ تاريحىنا ارنالعان «احمەت بايتۇرسىن ۇلى مۋزەي-ۇيى» اتتى كىتاپتىڭ تۇساۋ كەسەرى وتەدى، دەپ جازادى Qamshy.kz
الماتى تۇرعىندارى مەن قوناقتارى ارنايى شاقىرىلعان شارا، ساعات 11-دە مۋزەيدەگى بايتۇرسىن ۇلىنىڭ ەسكەرتكىش الدىندا وتەدى. كىتاپ اۆتورى مۋزەيدىڭ ديرەكتورى رايحان يماحانبەت.
«احمەت بايتۇرسىن ۇلى مۇراجايىنىڭ العاش ۇيىمداستىرىلۋى — 1993 جىلدىڭ 09-قىركۇيەگى بولاتىن. سودان بەرى سىرعىپ 24 جىل وتە شىقتى. بۇل شيرەك عاسىردا احاڭنىڭ مۇراجايىنىڭ قالىپتاسىپ، دامۋى ءۇشىن قيلى جولداردى باستان كەشتىك. سول وقيعالاردان حاباردار بولعىسى كەلەتىن ءھام احاڭ مۇراسىنا بەي-جاي قارامايتىن شىنايى جاناشىر وقىرماندارىمىزعا احمەت بايتۇرسىن ۇلى ءمۇراجاي-ۇيىنىڭ ەسىگى ايقارا اشىق!»، - دەيدى رايحان ساحىبەك قىزى.
ەسكە سالا كەتەتىن بولساق، جاقىندا عانا احمەت بايتۇرسىن ۇلى مۇراجايى الماتى قالاسى بويىنشا كيەلى ورىندار تىزىمىنە ەنگەن بولاتىن.
ايتا كەتسەك، جىل باسىندا سول كەزدەگى ۇكىمەت باسشىسى ورىنباسار قىزمەتىندە بولعان يمانعالي تاسماعامبەتوۆ الماتى قالاسىنداعى بايتۇرسىن ۇلى مۋزەي-ۇيىنە ارنايى كەلگەن بولاتىن.
تاسماعامبەتوۆتىڭ ساپارىندا مۋزەيگە بىرگە كەلگەن الماتى قالاسىنىڭ اكىمى باۋىرجان قىدىرعالي ۇلى «وسى جىلى مۋزەيگە ىشكى ساياسات باسقارماسى تاراپىنان جانە مادەنيەت باسقارماسى تاراپىنان 10 ميلليون تەڭگە بولدىك»، - دەپ حابارلاعان ەدى. اتالمىش كىتاپ الماتى اكىمىنىڭ ۋادەسى بويىنشا اكىمدىك بولگەن قاراجاتقا شىعىپ وتىر.
