الماتى قالاسىنىڭ تىلدەردى دامىتۋ باسقارماسى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2017-2019 جىلدارعا ارنالعان ءىس-شارالار جوسپارىن جۇزەگە اسىرۋ ماقساتىندا جانە باسقارمانىڭ 2017 جىلعا ارنالعان جۇمىس جوسپارىنا سايكەس، «رۋحاني جاڭعىرۋ» باعدارلاماسىنىڭ اياسىندا «كوركەم ءسوز وقۋ شەبەرلەرى» اتتى قالالىق بايقاۋ وتكىزەدى.
بايقاۋدىڭ ماقسات-مىندەتتەرى: مەملەكەتتىك ءتىلدىڭ قولدانىلۋ اياسىن كەڭەيتۋ، مەملەكەتتىك ءتىل ساياساتىن كەڭىنەن ناسيحاتتاۋ، تالانتتى جاستاردى جان-جاقتى كوتەرمەلەۋ. كوركەم ادەبيەتتى، قازاق قالامگەرلەرىنىڭ شىعارماشىلىق مۇراسىن ناسيحاتتاۋ، قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋ.
بايقاۋدىڭ شارتتارى. بايقاۋ تومەندەگىدەي كەزەڭدەر بويىنشا وتكىزىلەدى:
- قازاقتىڭ بەلگىلى جازۋشىلارىنىڭ كوركەمدىگى جوعارى پروزالىق شىعارمالارىنان ءۇزىندى وقۋ؛
- قازاقتىڭ بەلگىلى جازۋشىلارىنىڭ كوركەمدىگى جوعارى پوەزيالىق شىعارمالارىنان ءۇزىندى وقۋ؛
- قازاقتىڭ بەلگىلى جازۋشىلارىنىڭ كوركەمدىگى جوعارى درامالىق شىعارمالارىنان ءۇزىندى وقۋ.
وقىلاتىن ءماتىن كولەمى 5 مينۋتتان اسپاۋ كەرەك، تالاپكەرلەر وقيتىن ماتىندەرىن جاتقا وقۋلارى شارت.
بايقاۋدىڭ قازىلار القاسى قۇرامىنا مەملەكەتتىك مەكەمەلەر مەن قوعامدىق ۇيىمداردىڭ رەسمي وكىلدەرى ەنەدى.
بايقاۋدىڭ جۇلدەسى: ءبىرىنشى، ەكىنشى، ءۇشىنشى جۇلدەلى ورىن العاندارعا ءتيىستى دارەجەدەگى ديپلومدار مەن باعالى سىيلىقتار، قاتىسۋشىلارعا العىس حاتتار مەن ەستەلىك سىيلىقتار تاپسىرىلادى.
بايلانىس تەلەفوندارى: 2631527
